ፋርፈትና 139

ዋቀ ዋን ሁንደ ቤኩ

ዱረ ቡኣ ፋርፈቶታቲፍ። ፋርፈትና ዳዊት።

1ያ ዋቀዮ፣ አት ነ ቆርቴርተ፤

ነ ቤክቴርተስ።

2አት ዬሮ አን ገድ ታኡፊ ዬሮ አን ኦል ከኡ ንቤክተ፤

ያደኮስ ፈጎት ሁበተ።

3ዴሙኮፊ ጪሱኮ አዳን ባፍቴ ቤክተ፤

ከራኮ ሁንደስ ቤክተ።

4ያ ዋቀዮ፣ አከ ዱቢን ቶኮዩ አረበኮ ህንጅሬ፣

አት ጉቱማን ጉቱት ንቤክተ።

5አት ዱራፊ ዱባን ነ መርስቴርተ፤

ሀርከኬስ ነረ ኬሴርተ።

6ቤኩምስ አከና አናፍ አከ መሌ ድንቂዸ፤

ሁበቹፍስ አከ መሌ ነራ ፈጎዸ።

7ሀፉረኬ ብራ አን ኤሰ ዸቁን ደንደአ?

ፉለኬ ዱራስ አን ኤሰት በቀቹን ደንደአ?

8ዮ አን ሰሚወንት ኦል በኤ፣ አት አች ጅርተ፤

ዮ አን ስሬኮ ሲኦል ኬሰ ዻበዼስ፣ አችስ ንጅርተ።

9ዮ አን ቆቾ ገነማቲን

በርሴ ቀርቀረ ገላና ፈጎረ ቁበዼ፣

10አችትስ ሀርክኬ ከራ ነ አርግሲሰ፤

ሀርክኬ ምርጋስ ጀቤሴ ነ ቀበ።

11ዮ አን፣ “ዹጉማን ዱከን ነ ዾክሰ፤

እፍንስ ናኖኮት ሀልከን ተአ” ጄዼ፣

12ዱከንዩ ሲፍ ዱከነ ህንተኡ፤

ሀልከንስ አኩመ ጉያ እፈ፤

ዱከን ሲፍ አኩመ እፋቲ።

13አት ነሙማኮ እሰ ኬሳ ኡምቴርታቲ፤

ገደሜሰ ሃዸኮ ኬሰትስ ነ ቶልችቴ።

14አን ሰበቢ ሃለ ሶዳችሳፊ ድንቅሲሳዻን ኡመሜፍ

ስን ገለቴፈዸ፤

ሆጂንኬ ድንቅሲሳዸ፤

ከነስ አን አከ ጋሪተን ቤከ።

15ዬሮ አን እዶ ዾክሳት ኡመሜ፣

ለፌንኮ ስ ዱራ ህንዾከትኔ።

ዬሮ አን ዽዽመ ለፋ ኬሰት ቶልፈሜ፣

16እጅኬ ዸግነኮ ከን ህንቶልፈምን አርጌ።

ጉዮትን ዱራን ዱርሰኒ ናፍ ሙርቴፈመን ሁንድ // ኡቱ ህንጅራትን፣

ክታበኬ ኬሰት በሬፈመኒሩ።

17ያ ዋቅ፣ ያደኬ ሁበቹን አከም ኡልፋተ!

ባይእንሳስ አከም ጉዳዸ!

18ኡቱ አን እሳን ለካኤ ጅራዼ፣

ስላ ለኮብስሳኒ ጭረቸረ ባይአተ።

አን ዬሮን ደመቁት፣ አመዩ ሱመ ወጅነን ጅረ።

19ማሎ ያ ዋቅ፣ አት ኡቱ ሀሞተ ፍጤ!

ወር ዺገ ነማ ዸንገላፍተን፣ ነራ ፈጋዻ!

20እሳን ያደ ሀማዻን ዋኤኬ ዱበቱ፤

ዲኖትንኬ አከሱማን መቃኬ ዸኡ።

21ያ ዋቀዮ፣ አን ወረ ስ ጅበን ህንጅቡ?

ወረ ስት ከአንስ ህንጥሬፈዹ?

22አን ሀመ ዹማት እሳን ጅቤረ፤

አከ ዲነኮትስ እሳን ነንሄደ።

23ያ ዋቅ፣ ነ ሰከተእ፤ ገራኮስ ቤክ፤

ቆሪቲ ነ እላል፤ ያደኮስ ቤክ።

24ዮ ከራን ሀምና ነ ኬሰ ጅራቴ ሜ እላል፤

ከራ በረ በራረስ ነ አዴምስስ።