ፋርፈትና 135

ፋርፈትና ገለታ

135፥15‑20 ኩወፈ – ፋር 115፥4‑11

1ሃሌሉያ።

መቃ ዋቀዮ ጀጀዻ፤

እስን ገርቦን ዋቀዮ እሰ ገለቴፈዻ።

2እስን ወር መነ ዋቀዮ ኬሰ፣

ኦብዲ መነ ዋቀኬኛ ኬሰ ተጃጅልተን፣ እሰ ገለቴፈዻ።

3ዋቀዮ ጋሪዻቲ፣ ዋቀዮን ገለቴፈዻ፤

እን አርጃዻቲ መቃሳቲፍ ፋርፈዻ።

4ዋቀዮ ያቆብን ኦፊሳቲፍ፣

እስራኤልንሞ ዻለ ዹንፋሳ ጎዼ ፍለቴራቲ።

5አን አከ ዋቀዮ ጉዳ ተኤ፣

አከ ጎፍታንኬኘ ዋቆተ ሁንደ ጫላ ጉዳ ተኤ ቤከ።

6ዋቀዮ ሰሚወን ኬሰቲፊ ለፈረት፣

ገላኖታፊ ቱጁበሳኒ ሁንደ ኬሰት፣

ዋን እሰ ገመቺሱ ከምዩ ንሆጄተ።

7እን አከ ዱሜሶን ዳሪ ለፋቲ ከአን ንጎዸ፤

ቦካ ወጅን በለቄ ኤርገ፤

ጎምብሳሳ ኬሳስ ቡቤ ገድ ባሰ።

8እን ሀንገፎተ ግብጥ፣

ከን ነማቲፊ ከን ሆሪ ንዸኤ።

9ያ ግብጥ፣ እን ግዱኬት፣

ፈረኦኒፊ ተጃጅልቶተሳ ሁንደት መለቶፊ ድንቂሳ ኤርጌረ።

10እን ሰቦተ ባይኤ ዸኤ

ሞቶተ ጀጀቦ አጄሴ፤

11ስሆን ሞቲ ወረ አሞሮታ፣

ኦግ ሞቲ ባሻኒፊ ሞቶተ ከነኣን ሁንደ ንአጄሴ፤

12ለፈሳኒ ዻለ ጎዼ

አከ ዻለሳኒ ተኡፍስ ሰበሳ እስራኤሊፍ ኬኔ።

13ያ ዋቀዮ፣ መቃንኬ በረ በራን ጅራተ፤

ያ ዋቀዮ፣ አት ዸሎተ ሁንደ ኬሰት ንያደተምተ።

14ዋቀዮ ሰበሳቲፍ ንፈልመ፤

ተጃጅልቶተሳቲፍስ ገራ ላፈ።

15ዋቆትን ቶልፈሞን ነሞተ ኦርማ ሜቲፊ

ወርቄ ሀርከ ነማቲን ሆጄተመኒዸ።

16እሳን አፋን ቀቡ፤ ገሩ ዱበቹ ህንደንደአን፤

እጀስ ቀቡ፤ ገሩ አርጉ ህንደንደአን፤

17ጉረ ቀቡ፤ ገሩ ዸገኡ ህንደንደአን፤

ዮካን ሀፉር ቶኮዩ አፋንሳኒ ኬሰ ህንጅሩ።

18ወር እሳን ቶልቸን ከኔን እሳን አመነተን ሁንድ

አኩመሳኒ ተኡ።

19ያ መነ እስራኤል ዋቀዮን ኤብሳ፤

ያ መነ አሮን ዋቀዮን ኤብሳ፤

20ያ መነ ሌዊ ዋቀዮን ኤብሳ፤

እስን ወር እሰ ሶዳተንስ፣ ዋቀዮን ኤብሳ።

21ዋቀዮ እን ዬሩሳሌም ኬሰ ጅራቱ ሱን፣

ጥዮንራ ሃኤብፈሙ።

ሃሌሉያ!