ፋርፈትና 104

ኡልፍነ ኡመማ

1ያ ሉቡኮ፣ ዋቀዮን ኤብስ።

ያ ዋቀዮ፣ ዋቀኮ፣ አት አከ መሌ ጉዳዸ፤

ሚዸግናፊ ሱራ ኡፈቴርተ።

2አት አኩመ ወያ እፈ ኡፈተ፤

ሰሚወንስ አኩመ ዱንካና ድሪርስተ።

3ደሬራ ዲንቀሳ ብሻኖተረ ቡፍተ።

ዱሜሶተ ጋሪሳ ጎዸተ፤

ቆቾ ቡቤ ያበቴ ዴመ።

4እን ኤርገሞተሳ ሀፉሮተ፣

ተጃጅልቶተሳሞ አረበ እብዳ ጎዸ።

5እን ለፈ ሁንዴሼረ ዻቤረ፤

እሼንስ ጎንኩማ ህንሶቾቱ።

6አት አኩመ ወያት ቱጁባን እሼ ሀጉግዴ፤

ብሻኖትንስ ቱሉወኒ ኦል ዻበተን።

7አት እፈትናን ብሻኖትን በቀተን፤

ሰገሌ ቀቀዌኬቲ ዸጌኛን ጉገተን።

8እሳን ቱሉወን እራን ዸንገለአን፤

ገረ እዶ አት እሳኒ ቆጴስቴ፣

ገረ ሱሉሎታት ገድ ያአን።

9አከ እሳን ዴብአኒ ለፈ ህንሀጉግኔፍ

አት ዳሪ እሳን ደርቡ ህንደንዴኜ እሳን ዱረ ዻብዴ።

10አከ ቡርቃወን ሱሉሎተ ኬሰ ያአን ጎተ፤

እሳንስ ቱሉወን ግዱ ያኡ።

11እሳን ብኔንሶተ በኬ ሁንዳፍ ብሻን ኬኑ፤

ሀሮትን ዲዳስ ዼቡ በኡ።

12ስምብሮትን ሰሚ ብሻኖተ ብረት መንዼ እጃረተን፤

ደሜወን ግዱት ንፋርፈተን።

13እን መነሳ ከን ኦሊራ ቱሉወን ብሻን ኦባፍተ፤

ለፍትስ እጀ ሆጂኬቲቲን ቁፍት።

14እን ለፈራ ኛተ ኬኑፍ ጄዼ ሎኒፍ መርገ፣

ፋይዳ ነማቲፍሞ ብቅልቱወን ብቅልቸ፤

15አከ ዳዺን ወይኒ ገራ ነመ ገመቺሱ፣

አከ ዘይቲን ፉለ ነመ ጩሉሉቅሱፊ

አከ ምዻን ነመ ጀጀቤሱ ንጎተ።

16ሙኬን ዋቀዮ፣

ብርብርስ ልባኖን ከን እን ዻቤ ሱን ብሻን ቁፈኒሩ።

17ስምብሮትን አችት መንዼሳኒ እጃረቱ፤

ሁሞንስ ብርብርሰራ መነ ቀብድ።

18ቱሉወን ዼዼሮን ደኦ ሬኤ ዲዳት፤

ሆልቅ ከታወኒሞ ደኦ ኦሶሌት።

19እን አከ ጅእ ወቅቲሌ ገርገር ቆዱ ጎዸ፤

ቢፍቱንስ ዬሮ እት ልጡ ንቤክት።

20አት ዱከነ ኡምተ፤ ሀልከንስ ንተአ፤

ብኔንሶትን ቦሶና ሁንድስ ገድ ያኡ።

21ሌንጭ ሳፌል ዋን ኛቱ በርባዴ ኣደ፤

ኛተሳስ ዋቀ ብረ በርባደ።

22እሳን ዮሙ ቢፍቱን ባቱት ወልት ቀበሙ፤

ደቸአኒስ ጎደሳኒ ኬሰ ጭጪሱ።

23ነምን ገረ ሆጂሳት፣

ሀመ ገልገላትስ ገረ ጅሩሳት ንበአ።

24ያ ዋቀዮ፣ ሆጂንኬ አከም ባይኤዸ!

አት ሁንደሳኒ ኦጉማዻን ሆጄቴ፤

ለፍትስ ኡመመወንኬቲን ጉተምቴ።

25ገላን ጉዳፊ በልኣን ኩን፣

ኡመመወን ሀመ ህንቀብኔን ጉተሜ፤

ከን ሉቡ ቀቤዪን ጉርጉዳፊ // ጥጥኖን ኬሰ ጅራተን ኩኖ ጅረ።

26ዶኒወን አስረ ዴዴብኡ፤

ሌዋታን ከን አከ እን አች ኬሰ // ተጰቱፍ አት ኡምቴስ አች ጅረ።

27አከ አት ኛተሳኒ ዬሮ በርባችሱት እሳኒፍ ኬንቱፍ፣

እሳን ሁንድ ስ ኤገቱ።

28ዬሮ አት እሳኒፍ ኬንቱት፣

እሳን ወልት ቀበቱ፤

ዬሮ አት ሀርከኬ በልእፍቱት፣

እሳን ዋን ጋሪ ቁፉ።

29ዬሮ አት ፉለኬ ዾክፈቱት፣

እሳን ንነኡ፤

ዬሮ አት ሀፉረሳኒ ፉዸቱት፣

እሳን ዱአኒ ብዮት ዴብኡ።

30ዬሮ አት ሀፉረኬ ኤርግቱት እሳን ንኡመሙ፤

አትስ ፉለ ለፋ ንሃሮምስተ።

31ኡልፍን ዋቀዮ በረ በራን ሃጅራቱ፤

ዋቀዮ ሆጂሳት ሃገመዱ፤

32እን እላላን ለፍት ሆለቴ፤

እን ቱቅናን ቱሉወን ኬሳ ኣሪ በኤ።

33በረ ጅሬኘኮ ጉቱ አን ዋቀዮፍ ነንፋርፈዸ፤

ሀመ ሉቡንኮ ጅርቱትስ ፋርፈናዻን // ዋቀኮ ነንገለቴፈዸ።

34እረ ዴዴብኤ ያዱንኮ እሰ ሃገመቺሱ፤

አን ዋቀዮት ነንገመዳቲ።

35ጩበሞትን ለፈራ ሃበደን፤

ሀሞንስ ስአች ህንጅራትን።

ያ ሉቡኮ ዋቀዮን ኤብስ።

ሃሌሉያ።