ፈኬኘ 8

ዋምቸ ኦጉማ

1ኦጉማን ህንዩ?

ሁበትናንስ ሰገሌሳ ኦል ህንፉዸቱ?

2እሼን ቀርቀረ ከራ፣ ለፈ ኦል ከኣረ፣

እዶ ዳንዲን እት ወል ገኡ ዻበት፤

3ከረ መጋላት ነመ ገልቹ ብረ፣

በልበለ ዱረ ዻበቴ አከነ ጄቴ እይት፦

4“ያ ነሞተ፣ አን እዬን እስን ዋመ፤

አን እልማን ነማ ሁንደት ሰገሌኮ ኦል ነንፉዸዸ።

5እስን ወር ሆማ ህንቤክኔ፣ ቀልቢ ሆረዻ፤

እስን ወር ጎዋን ሁበትና አርገዻ።

6አን ዋን ፋይዳ ቀቡ ነንዱበዻቲ፣ ዸገኣ፤

ዋን ቀጄላ ዱበቹፍስ አፋንኮ ነንበነዸ።

7አፋንኮ ዹጋ ዱበተ፤

አረብንኮ ሀምነ ጅባቲ።

8ዱቢን አፋንኮ ሁንድኑ ቀጄላዸ፤

ዱቢኮ ኬሳ ቶኮዩ ጀልኣ ዮካን ምጪረማ ምት።

9ነመ ዋ ሁበቱፍ ዱቢንኮ ሁንድኑ ቀጄላዸ፤

ወረ ቤኩምሰ ቀቡፍስ ህርእነ ህንቀቡ።

10ቆደ ሜቲ ጎርሰኮ፣

ወርቄ ቁልቁሉ ጫላስ ቤኩምሰ ፍለዹ፤

11ኦጉማን ሉለ ዲማ ጫላ ገቲ ጉዳ ቀብዲ፤

ወን አት ሀውቱ ቶኮዩ እሼዻን ወል ህንመዳሉ።

12“አን ኦጉማን፣ ቀልቢ ወጅን ነንጅራዸ፤

አን ቤኩምሳፊ ሁበትና ቀበ።

13ዋቀዮን ሶዳቹን ጅቡዸ፤

ሀምነ አን ኦፍ ቱሉማፊ ኦፍ ጉድሱ፣

አመለ ሀማፊ ሃሳ ጀልኣ ነንጅበ።

14ጎርሳፊ ሙርቲን ዹጋ ከንኮት፤

አን ሁበትናፊ ሁምነ ቀበ።

15ሞቶትን አናን ሞኡ፤

ቡልችቶትንስ አናን ሴረ ቀጄላ ባሱ።

16እልማን ሞቶታ አናን ቡልቹ፤

ነሞትን ቤቤከሞን ሁንድስ አናን ብየ ቡልቹ።

17አን ወረ ነ ጃለተን ነንጃለዸ፤

ወር ነ በርባደንስ ነ አርገቱ።

18ሶሩምኒፊ ኡልፍን፣ ቀቤኚፊ

በዻዹማን ዹመ ህንቀብኔ ሀርኩመኮ ጅሩ።

19እጅኮ ወርቄ ቁልቁሉ ጫለ፤

ቡኣን ነራ አርገሙስ ሜቲ ፍለተማ ጫለ።

20አን ከራ ቀጄሉማረ፣

ዳንዲ ቀጄላረስ ነንዴመ፤

21ወረ ነ ጃለቱት ቀቤኘ ነንዸንገላሰ፤

መንኩሰ ቀቤኘሳኒሌ ነንጉተ።

22“ዋቀዮ ዋን በረ ዱሪ ሆጄቴን ዱረ፣

ሆጂሳ ከን ጀልቀባቲን ዱረ ነ ኣንፈቴ፤

23አን ኡቱ አዱኛን ህንኡመምን ዱረ፣

ጀልቀቡመት፣ በረ ሀመ ህንቀብኔን ዱረ ነንሙደሜ።

24አን ኡቱ ቱጁብን ህንጅራትን፣

ኡቱ ቡርቃወን ብሻኒን ህንጉተምን ዸለዼ፤

25ኡቱ ቱሉወን እዶሳኒ ህንዻበምን ዱረ፣

አን ጋረኒን ዱረ ነንዸለዼ፤

26ኡቱ እን ለፈ ዮካን ድሬሼ

ዮካን ብዮ አዱኛ ቶኮዩ // ህንኡምን ዱረ ነንዸለዼ።

27ዬሮ እን ሰሚወን ሁንዴሴት፣

ዬሮ እን ዽዽመረ ሙሜ ካኤት አን አችን ቱሬ፤

28ዬሮ እን ጉባት ዱሜሰ ጀቤሴ ዻቤ

መደ ቱጁባሌ ሁንዴሴት አን አችን ቱሬ፤

29ዬሮ እን አከ ብሻኖትን አጀጀሳ ህንጨብስኔፍ ጄዼ፣

ገላናፍ ዳንጋ ዻቤት፣

ዬሮ እን ለፈ ሁንዴሴት አን አችን ቱሬ።

30ዬሮ ሰነት አን ኦጌሰ ሆጂ ሀርካ ተኤ እሰ ብረን ቱሬ።

አን ዬሮ ሁንደ ፉለሳ ዱረ ቡራቃ፣

ጉዩመ ጉያዻን ገመቹዻን ጉተማን ቱሬ፤

31አን ጉቱማ አዱኛሳ ኬሰት እልልቻ፣

እልማን ነማትሌ ገመዳን ቱሬ።

32“ኤጋ ያ እልማንኮ፣ ሜ ነ ዸገኣ፤

ወር ከራኮ ኤገን ኤብፈሞዸ።

33ጎርሰኮ ዸጌፈዻቲ ኦጌዪ ተኣ፤

እሰ ህንቱፈትና።

34ነምን ነ ዸገኡ፣

ከን ጉያ ሁንደ በልበለኮ ኤጉ፣

ከን ከረኮ ዱረ ቱሩ ኤብፈማዸ።

35ነምን ነ አርገቱ ከምዩ ጅሬኘ አርገተ፤

ዋቀዮ ብረትሌ ፉዸተመ አርገተ።

36ነምን ነ ህንአርገትኔ ገሩ ኦፉመ ሚዸ፤

ነምን ነ ጅቡ ሁንድኑ ዱአ ጃለተ።”