ሚክያስ 7

ዽጰቹ እስራኤል

1አናፍ ወዮ!

አን አኩመ ነመ ዬሮ ቀርሚ ቦና ፉናነንት

ወይኒ ወልት ቀቡ ቶኮ ተኤረ፤

ሁርቡን ወይኒ ከን ኛተሙ ቶኮዩ ህንጅሩ፤

እጅ ሀርቡ ጀልቀባ ከን አን ዸረኡ ቶኮዩ ህንጅሩ።

2ነምን ጋሪን ለፈራ በዴረ፤

ነምን ቀጄላን ቶኮዩ ህንሀፍኔ።

ነሞትን ሁንድኑ ዺገ // ዸንገላሱፍ ርጰኒ ኤገቱ፤

ቶኮን ቶኮን ነማ // ክዮዻን ኦቦሌሰሳ ኤገተ።

3ሀርክ ለቹ ዋን ሀማ ሆጄቹ በረቴረ፤

ቡልቻን ኬና በርባደ፤

አባን ሙርቲስ መተኣ ፉዸተ፤

ነምን ሁምነ ቀቡ ዋኑመ ፌዼ ዱበተ፤

ሁንድሳኒ ወሊ ወጅን መለቱ።

4ከን እሳን ሁንደ ጫላ ጋሪ ተኤ አከ ሶኮሩት፤

እን አከ መሌ ቀጄላንሞ ደላ ቆራቲ ጫለ።

ጉያን ኤግዶተኬቲ፣

ጉያን እት ዋቅን ስ እላሉ ዹፌረ።

አመ ዬሮ እት እሳን ጆንጀአኒዸ።

5ኦላ ህንአመነትን፤

ምቹስ ህንአብደትን።

እሼ ሀመቴ ጪፍቱ ብረትዩ

አረበኬ ኤገዹ።

6እልም አባሳ ቱፈተ፤

እንተል ሃዸሼት፣

ኒቲን እልማስ አማቲሼት ካት፤

ዲኖትን ነማ ምሴንሶቱመ መነሳ ተኡቲ።

7አን ገሩ አብዲዻን ዋቀዮን ነንኤገዸ፤

ፈይሳኮ ዋቀ ነንኤገዸ፤

ዋቅንኮ ነ ዸገአ።

እስራኤል ንካት

8ያ ዲነኮ ነት ህንገመድን!

አን ዮን ኩፌዩ ነንከአ።

አን ዱከነ ኬሰ ታኡዩ

ዋቀዮ እፈ ናፍ ተአ።

9አን ሰበቢን ጩቡ እሰት ሆጄዼፍ፣

ሀመ እን ዱቢኮ እላሌ ናፍ ሙርቴሱት

ዼከምሰ ዋቀዮ ነንባዸ።

እን እፈት ነ ባሰ፤

አንስ ቀጄሉማሳ ነንአርገ።

10ኤርገሲ ዲንኮ እሼን፣

“ዋቀዮ ዋቅንኬ ኤሰ ጅረ?” ናን ጄቴ ሱን

ዋን ከነ አርግቴ ቃኒን ሀጉገምት።

እጅኮ ኩፋቲሼ ንአርገ፤

እሼን አመዩ ሚለ ጀለት

አኩመ ዾቄ ዳንዲራት ዽዺተምት።

11ጉያን እት ደላንኬ እጃረሙ፣

ጉያን እት ዳንጋንኬ በልእፈሙ ቶኮ ንዹፈ።

12ጋፈስ ነሞትን

አሶሪፊ መጋላወን ግብጥ፣

ግብጢ ሀመ ኤፍራጢስትዩ፣

ገላና ሀመ ገላናት፣

ቱሉዻ ሀመ ቱሉት ጅራተን ገረኬ ንዹፉ።

13ሰበቢ ጅራቶተሼቲፊ

ሰበቢ ዋን እሳን ሆጄተኒቲፍ ለፍት ንኦንት።

ከዸትናፊ ገለተ

14ኡመተኬ፣ ቡሻዬ ዻለኬቲ

ከኔን ኦፉማን ቦሶነ ኬሰ፣

ለፈ ዼዳ ገበታረ ጅራተን

ኡሌኬቲን ትክፈዹ።

እሳን አኩመ በረ ዱሪት

ባሻኒፊ ግልኣድ ኬሰ ሃቦበአን።

15“አን አኩመ ዬሮ አት ግብጢ ባቴ ዹፍቴ ሰና

ድንቂኮ እሳን ነንአርግሲሰ።”

16ሰቦትን አርገኒ ንቃነኡ፤

ሁምነ ኦፊ ሁንደዩ ንዸቡ።

እሳን አፋንሳኒ ቀበቱ፤

ጉርሳኒስ ንዱደ።

17እሳን አኩመ ቦፋ፣

አኩመ ኡመመወን ለፈረ ሎአኒ ብዮ አራቡ።

እሳን ሆለቻ ሆልቀ ኬሳ በአኒ ዹፉ፤

እሳን ዋቀዮ ዋቀኬኘ ሶዳቹዻን

ዴብአኒ ፉለኬ ዱረ ሶዳዻን ዻበቱ።

18ዋቅን አከኬቲ ከን ጩቡ ነማ ብረ ደርቤ

በሌሳ ሀምባ ዻለሳ ዺሱፍ ኤኙ?

አት አራረ ጎቹት ገመደ መሌ

በረ በራን ህንዼከምቱ።

19አት ዴብቴ ገራ ኑ ላፍተ፤

ጩቡኬኘ ሚለኬ ጀለት ዽዺቴ

በሌሳኬኘ ሁንደስ ቱጁበ ገላናት // ገድ ደርበተ።

20አት አኩመ በረ ዱሪ

አቦቲኬኛፍ ከከቴ ሰነ

ያቆቢፍ አመነማ ታተ፤

አብረሃምትስ ጃለለ ንአርግሲፍተ።