ሚክያስ 4

ቱሉ ዋቀዮ

4፥1‑3 ኩወፈ – እሳ 2፥1‑4

1በረ ዹማ ኬሰ

ቱሉን መነ ቁልቁሉማ ዋቀዮ

ቱሉወን ሁንደ ኬሳ ኦል ዼረቴ ዻበተ፤

እን ጋረን ጫላ ኦል ኦል ጄዸ፤

ነሞትንስ እት ያኡ።

2ሰቦትን ባይኤን ዹፈኒ አከነ ጄዹ፤

“ኮታ ገረ ቱሉ ዋቀዮ፣

ገረ መነ ዋቀ ያቆብ ኦል ባና።

እን አከ ኑ ዳንዲሳረ ዴምኑፍ

ከራሳ ኑ በርሲሰ።”

ሴር ጥዮን ኬሳ፣

ዱቢን ዋቀዮሞ ዬሩሳሌም ኬሳ ዹፈ።

3እን ነሞተ ሄዱ ግዱት ሙርቲ ኬኔ

ሰቦተ ጀጀቦ ገርገር ፈጎ ጅረንስ ወልት አራርሰ።

እሳን ጎራዴሳኒ ቱመኒ ማረሻ፣

ኤቦሳኒሌ ሃምቱ ቶልፈቱ።

ሰብን ቶኮ ሰበ ብራት ጎራዴ ህንሉቅፈቱ

ዮካን ወራናፍ ጄዸኒ ስአች ነመ ህንሌንጅሰን።

4ነምን ሁንድ ሙከ ወይኒሳቲፊ

ሙከ ሀርቡሳ ጀለ ታአ፤

ዋቀዮ ዋን ሁንደ ደንደኡ ዱበቴራቲ

ነምን እሳን ሶዳችሱ ቶኮዩ ህንጅሩ።

5ሰቦትን ሁንድኑ

መቃ ዋቆተሳኒቲን ዴዴብኡ፤

ኑሞ በረ በራ ሀመ በረ በራት

መቃ ዋቀዮ ዋቀኬኛቲን ዴዴብነ።

ከሮረ ዋቀዮ

6ዋቀዮ አከነ ጄዸ፤

“አን በረ ሰነ ናፈ ወልትን ቀበ፤

ወረ ቦጅአመኒፊ

ወረ አን ገድሲሴስ ወልትን ቀበ።

7አን ወረ ናፈ ሀምባ፣

ወረ አርአሜሞ ሰበ ጀባ ነንጎዸ።

ዋቀዮ ጉያ ሰና ጀልቀቤ

ሀመ በረ በራት ቱሉ ጥዮንረት ቡልቻሳኒ ተአ።

8ያ ገሞ ኤጉምሰ ቡሻዬ፣

ያ ደኦ እንተለ ጥዮን፣

ኦል ኣንቱማን ዱሪ ሲፍ ንዴብፈመ፤

ሞቱማን እንተለ ዬሩሳሌም ንዹፈ።”

9አት አመ ማሊፍ አከነ እይቴ ቦሰ?

አት ሞቲ ህንቀብዱ?

ወን አት አከ ዱበርቲ ጭኒንሱን ቀቤ ሚጠቱፍ

ጎርሳንኬ በዴቲ?

10ያ እንተለ ጥዮን፣

አኩመ ዱበርቲ ጭኒንሱን ቀቤት ኣድ፤

አት አመ በኬ ኬሰ ቁበቹፍ

መጋላ ኬሳ በኡ ቀብዳቲ።

አት ባብሎን ዸቅጠ፤

አችት ንበራረምተ።

ዋቀዮ አችት

ሀርከ ዲነኬቲ ኬሳ ስፉረ።

11አመ ገሩ ሰቦትን ሄዱን ስ መርሰኒሩ።

እሳንስ፣ “እሼን ሃጡሮፍቱ፤

እጅኬኘ ጥዬፈቴ

ጥዮንን ሃእላሉ!” ጄዹ።

12እሳን ገሩ ያደ ዋቀዮ ህንቤከን፤

እሳን ከሮረሳ ከን እን አኩመ ብሲ

ኦብዲት ወልት ቀቤ ሰነ ህንሁበተን።

13“ያ እንተለ ጥዮን ከኢቲ ምዻን ዸእ፤

አን ጋንፈ ስቢላ ሲፍ ነንኬናቲ፤

አን ኮቴ ናሲ ሲፍ ነንኬነ፤

አትስ ሰቦተ ባይኤ ጨጨብስተ።”

አት ሆሪ እሳን ከራ ሀማዻን አርገተን ዋቀዮፍ ኬንተ፤

ቀቤኘሳኒስ ጎፍታ ለፈ ሁንዳቲፍ ኬንተ።