ክታበ ቁልቁሉ, Biblica® ሂካ አመያ በነማ ሃራ, ሎቆደ ዽኣ
ሌዎተ 6
ዋቀዮ ሙሴዻን አከነ ጄዼ፤ “ነምን ዮ ዋኤ ዋን እማና እሰት ኬነሜ ዮካን ዋን እሰ ብረ ካአሜ ዮካን ዋን ሀተሜ ቶኮ ኦላሳ ጎዎምሱዻን ዮካን ሳሙዻን ጩቡ ሆጄቴ ዋቀዮፍ አመነሙ ባቴ፣ ዮካን ዮ ቀቤኘ በዴ አርጌ ዋኤሳ ሶበ ዱበቴ ዮካን ዮ ሶባን ከከቴ ዮካን ዮ ጩቡ አከሲ ከን ነሞትን ሆጄተን ከምዩ ሆጄቴ፣ ዮ አከሲን ጩቡ ሆጄቴ የከ ቀቤሰ ተኤ እን ዋን ሀቴ ዮካን ዋን ሁምናን ሳሜ ዮካን ዋን እማና እሰት ኬነሜ ዮካን ዋን በዴ ከን ለፋ አርጌ ሰነ ዮካን ዋን ሶባን እት ከከቴ ሁንደ ሃዴብሱ። እን ዋን ሰነ ጉቱማት እዶ ሃቡሱ፤ ገቲ ዋን ሰናስ ሀርከ ሸን ኬሳ ሀርከ ቶኮ እት ደበሌ ሁንደሳ ጉዩመ ኣርሳ የከ ኦፊሳ ዽኤፈቱት አባ ቀቤኘ ሰናቲፍ ሃኬኑ። ኤርገሲስ እን ቡሻዬ ኬሳ ኮርቤሰ ሆላ ህርእነ ህንቀብኔ ከን ገቲንሳ ገቲ አደቢ የከ ቶኮት ትልማመሙ ኣርሳ የከ ኦፊሳ ከን ዋቀዮፍ ዽኤፈሙ ጎዼ ሉበት ሃፍዱ። ሉብች ሃሉመ ከናን ፉለ ዋቀዮ ዱረት አራረ እሳፍ ቡሰ፤ እንስ ወንቶተ ከኔን ኬሳ ዋን ሆጄቴ ከን የከ ቀቤሰ እሰ ጎዼ ከሚፍዩ ዺፈመ አርገተ።”
ኣርሳ ጉበሙ
ዋቀዮ ሙሴዻን አከነ ጄዼ፤ “አሮኒፊ እልማሳቲፍ አጀጀ ከነ ኬን፦ ‘ሴር ኣርሳ ጉበሙ ከናዸ፤ ኣርሳን ጉበሙ ሀመ ለፍት በሪቱት ሀልከን ጉቱ እብደ እዶ ኣርሳረ ጅሩ ጉባ ሃቱሩ፤ እብድስ እቱመ ፉፌ እዶ ኣርሳረት ሃቦበኡ። ሉብን ሱንስ ኡፈተሳ ከን ቁንጬ ተልባራ ሆጄተሜፊ ኡፈተ ወያ ጀላን ዸግነሳት ኣኑ ከን ቁንጬ ተልባራ ሆጄተሜ ሃኡፈቱ፤ ኤርገሲስ ዳራ ኣርሳ ጉበሙ ከን እብድ እዶ ኣርሳረት ጉቤ ፍጤ ሰነ ሀሬ እዶ ኣርሳ ጭነ ሃካኡ። ኤርገሲስ ኡፈተ ሰነ ኦፍራ ባሴ ከን ብራ ሃኡፈቱ፤ ዳራ ሰነስ ባቴ ቁበተ ኬሳ ገድ ባሴ ለፈ አከ ሴራት ቁልቁሉ ተኤት ሃጌሱ። እብድ እዶ ኣርሳረ ጅሩ ዬሮ ሁንደ ቦበኡ ቀበ፤ ዮምዩስ ህንዻምን። ሉብች ገነመ ገነመ እብደ ሰነት ቆራን ሃነቁ፤ ኣርሳ ጉበሙ እብደረት ሃቆጴሱ፤ ከነረትስ ጮመ ኣርሳ ነጋ ሃጉቡ። እዶ ኣርሳረት እብድ ዬሮ ሁንደ ሃቦበኡ፤ ጎንኩማስ ህንዻምን።
ኬና ምዻኒ
“ ‘ሴር ኬና ምዻኒ ከናዸ፦ እልማን አሮን ዋን ከነ ፉሌ እዶ ኣርሳት ፉለ ዋቀዮ ዱረት ሃዽኤሰን። ሉብንስ ዳኩ ቡላኣ ኮኜ ቶኮፊ ዘይቲ፣ እጣነ ኬና ምዻኒረ ጅሩ ሁንደ ወጅን ፉዼ ኡርጋ ዋቀዮት ቶሉ ጎዼ አከ ኩታ ያደኖት እዶ ኣርሳረት ሃጉቡ። አሮኒፊ እልማንሳሞ ዋንራ ሀፌ ሃኛተን፤ ኩን መጥኖ እዶ ቁልቁሉት ኛተሙ ቀቡዸ፤ እሳንስ ኦብዲ ዱንካነ ወል ገኢ ኬሰት ሃኛተን። ወን ኩን ራጭቲዻን ቶልፈሙ ህንቀቡ፤ አን ኬና እብዳን ና ዽኤፈሙ ኬሳ አከ ቆደ እሳኒት ዋን ከነ እሳኒፍ ኬኔረ። ኩንስ አኩመ ኣርሳ ጩቡቲፊ ኣርሳ የካት ዋን ሁንደ ጫላ ቁልቁሉዸ። ሰኚን አሮን ከን ዺረ ተኤ ከምዩ ዋን ከነ ኛቹ ደንደአ። ኩንስ ቆደ ኬና እብዳን ዋቀዮፍ ዽኤፈሙ ኬሳ ዸሎተኬሰን ከን ዹፉት በረ በራን አሮኒፍ ኬነሜዸ፤ ነምን እሰ ቱቁ ሁንድኑስ ንቁልቁላአ።’ ”
ዋቀዮ ሙሴዻን አከነ ጄዼ፤ “ኬናን አሮኒፊ እልማንሳ ጉያ እን ድበሙት ዋቀዮፍ ዽኤሱ ቀበን ከናዸ፦ ዳኩ ቡላኣ ኢፊ1 ኩዸን ኬሳ ቶኮ ጄቹንስ ወለካሳ ገነመ፣ ወለካሞ ገልገለ ዬሮ ሁንደ ኬና ምዻኒ ጎዸኒ ሃዽኤሰን። ኩንስ ዘይቲዻን ኤሌረት ሃቶልፈሙ፤ አከ ጋሪት ወልት መኪቲ ኬና ምዻን ሰና ጨጨብሲ ኡርጋ ዋቀዮት ቶሉ ጎዺ ዽኤስ። እልምሳ ከን ሉበ ተኤ ድበሜ እዶሳ ቡኡ ዋን ከነ ሃቆጴሱ፤ ኬናን ኩን ሰበቢ ቆደ ዋቀዮ ከን በረ በራ ተኤፍ ጉቱማት ሃጉበሙ። ኬናን ምዻኒ ከን ሉብች ዽኤሱ ሁንድ ጉቱማት ሃጉበሙ፤ ኣርሳን ሱን ኛተሙ ህንቀቡቲ።”
ኣርሳ ጩቡ
ዋቀዮ ሙሴዻን አከነ ጄዼ፤ “አሮኒፊ እልማንሳቲን አከነ ጄዽ፦ ‘ሴር ኣርሳን ጩቡ እቲን ዽኤፈሙ ከናዸ፦ ኣርሳን ጩቡ እዶ ኣርሳን ጉበሙ እት ቀለሙት ፉለ ዋቀዮ ዱረት ሃቀለሙ፤ ኣርሳን ኩን ዋን ሁንደ ጫላ ቁልቁሉዸ። ሉብን እሰ ዽኤሱ ኣርሳ ከነ ሃኛቱ፤ ኩንስ ኦብዲ ዱንካነ ወል ገኢ ኬሰት እዶ ቁልቁሉት ኛተሙ ቀበ። ነምን ፎን ሰነ ቱቁ ከምዩ ንቁልቁላአ፤ ዮ ዺግንሳ ቶኮዩ ኡፈተት ፈጨኤ ኡፈተ ሰነ እዶ ቁልቁሉት ሚጩ ቀብደ። ኦኮቴን ሱጴ ከን ፎን ሱን እት አፌለሜ ሃጨብሰሙ፤ ዮ ኦኮቴ ናሲት አፌለሜ ገሩ ሀቀሜ ብሻኒን ሃዽቀሙ። ዺር ጎሰ ሉቦታ ተኤ ከምዩ ፎን ከነ ኛቹ ንደንደአ፤ ኩን ዋን ሁንደ ጫላ ቁልቁሉዸ። ገሩ ኣርሳን ጩቡ ከን አራረ ቡሱዻፍ ዺግንሳ ገረ ዱንካነ ወል ገኢ እዶ ቁልቁሉት ፍደሙ ከምዩ ኛተሙ ህንቀቡ፤ እን ጉበሙ ቀበ።
Source notes (1)
- Footnote ኢፊን ቶኮ ኪሎ ግራሚ 22።
ክታበ ቁልቁሉ, Biblica® ሂካ አመያ በነማ ሃራ, ሎቆደ ዽኣ. Copyright © 2022 Biblica, Inc. Licensed under CC BY-SA 4.0. , ዋጅረ ኤየማፊ መለቶ ኤኙማ ከን አሜርካ ኬሳት ገልሜሴዸ። ኤየማን እት ፈየደሙ። “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.