እዮብ 8

ብልዳድ

1ብልዳድ ሹሃህች አከነ ጄዼ ዴብሴ፦

2“አት ሀመ ዮሚት ዋን አከሲ ዱበተ?

ዱቢንኬ ቡቤ ጀባዸ።

3ዋቅን ሙርቲ ቀጄላ ጀልእሳሬ?

ዋቅን ዋን ሁንደ ደንደኡ ዋን ቀጄላ ጀልእሳ?

4ዮሙ እጆሌንኬ ጩቡ እሰት ሆጄተንት፣

እን አደቢ ጩቡሳኒት ደበርሴ እሳን ኬኔ።

5አት ገሩ ዮ ዋቀ በርባደቴ፣

ዋቀ ዋን ሁንደ ደንደኡ ዮ ዋመቴ፣

6ዮ አት ቁልቁሉፊ ቀጄላ ታቴ፣

እን ዋኤኬቲፍ አሙመ ከአ፤

ጅሬኘ ቀጄሉማኬስ ሲፍ ዴብሰ።

7ጀልቀብንኬ ጥና ተኡሌ፣

ዹምንኬ ባይኤ ጉዳ ተአ።

8“ዸሎተ ደርቤ ጋፈዹ፤

ዋን አቦቲንሳኒ ቆረተኒ ብረ ገአንስ ሁበዹ፤

9ኑ ዋን ከሌሰ ዸለኔፍ ዋ ቶኮሌ ህንቤክኑቲ፤

በሮትንኬኘስ ለፈረት አኩመ ጋድዱት።

10እሳን ስ ህንበርሲሰኒ? ስትስ ህንህመኒ?

ዱቢ ገራሳኒ ኬሰ ጅሩስ ህንዱበተኒ?

11ዸላዱን ለፈ ጨፌ ህንተእንት ጉደታ?

ሸምበቆንስ ብሻን መሌ ለልሳ?

12እሳን ኡቱመ ጉደቻ ጅረኑ፣ ኡቱ ህንሙረምን፣

ብቅልቱወን ካን ዱረ ደፈኒ ጎጉ።

13ዹምን ወረ ዋቀ እራንፈተኒስ አከሱመ ተአ፤

አብዲን ወረ ዋቀ ህንቤክኔስ ንበደ።

14አብዲንሳ አኩመ ሰልጳት ጭተ፤

ኦፍት አመነቹንሳስ መንኤ ሰሪቲት።

15እን መንኤሳት እርከተ፤ መንኤን ሱን ገሩ ህንዻበቱ፤

እት መጠነስ፤ መንኤን ሱን ገሩ ደንደኤ እሰ ህንባቱ።

16እን አከ ብቅልቱ አዱ ኬሰት ብሻን ኦባፈሜ ለልሱት፣

ደሜወንሳ ለፈ ብቅልቱረ ድሪርፈቱት።

17ህደሳ ቱላ ዸጋት መረተ፤

ከታ ግዱስ እዶ ጅራቱ ንበርባደተ።

18ዮሙ እን እዶሳቲ በዱት ገሩ፣

እዶን ሱን፣ ‘አን ስ አርጌ ህንቤኩ’ ጄዼ እሰ ገነ።

19ኩንስ ዹመ ጅሬኘሳት፤

ብቅልቱወን ብራስ ለፋ ንብቅሉ።

20“ዋቅን ነመ ህርእነ ህንቀብኔ ህንገቱ፤

ዮካን ሀርከ ጀልኦታ ህንጀቤሱ።

21እን አፋንኬ ኮልፋን፣

አረበ ኬሞ እልሌዻን ንጉተ።

22ወር ስ ጅበን ሰልጵነ ኡፈቱ።

ዱንካን ጀልኦታስ ስአች ህንጅራቱ።”