ኤርምያስ 6

ዬሩሳሌም መርፈምቴ

1“ያ ሰበ ቤንያም በቀዻ በኣ!

ዬሩሳሌም ኬሳ በቀዻ!

ቴቆኣ ኬሰት መለከተ አፉፋ!

ቤት ሀኬሬምረት መለቶ ኦል ቀባ!

ከራ ካባቲን በላን፣

በዲስን ሱከኔሳን ንዹፋቲ።

2አን እንተለ ጥዮን እሼ በሬዱፊ

ቀነኒቱ ሰነ ነንገላፈዸ።

3ትክሶትን ቡሻዬሳኒ ፉዸተኒ እሼት ዹፉ፤

ዱንካነሳኒስ እሼት ናኔሰኒ ዻበቱ።

ቶኮን ቶኮንሳኒስ እዶሳኒት ቦባፈቱ።”

4“እሼት ወራነ ካሱፍ ቆጳኣ!

ከኣ፣ ጉያ ሳፋዻን እሼ ወራና!

ወዮ፣ አዱን ዽኣ ጅርት፤

ጋድስን ገልገላስ ዼረቴረ።

5ከናፉ ከኣ፣ ሀልከኒን እሼ ዾፍኔ

ደአኖወንሼ በርበዴስና!”

6ዋቀዮ ዋን ሁንደ ደንደኡ አከነ ጄዸ፤

“ሙኬንሼ ጭራ፤

ናኖ ዬሩሳሌምት ቱላ ብዮ ቶልቻ፤

መጋላን ኩን አደበሙ ቀብድ፤

እሼን ጩንቁርሳዻን ጉተምቴርቲ።

7አኩመ ቦል ብሻኒ ብሻን ያሱ ሰነ፣

እሼንስ ሀምነሼ ገድ ያፍት፤

ጄቁምሲፊ በዲስንሼ ኬሰት ንዸገአመ።

ዹኩብኒፊ መዳንሼ ዬሮ ሁንደ ፉለኮ ዱረ ጅረን።

8ያ ዬሩሳሌም ጎርሰኮ ዸገእ፤

ዮ ከና አቺ አን ስራ ገረገሌ፣

አከ ነምን ቶኮዩ ኬሰ ጅራቹ

ህንደንዴኜፍ፣ ብየኬ ነንኦንሰ።”

9ዋቀዮ ዋን ሁንደ ደንደኡ አከነ ጄዸ፦

“አኩመ ወይኒን ስሪት ፉናነሙ ሰነ፣

እሳንስ ሀምባ እስራኤል ሃፉናነን፤

አኩመ ነመ እጀ ወይኒ ጭሩ ቶኮት፤

አመስ ሀርከኬ ገረ ደሜወኒት ሂጠዹ።”

10አን ኤኙን ዱበዼ አኬከቺሱ ደንደአ?

ኤኙቱ ነ ዸጌፈተ?

ኩኖ፣ ጉርሳኒ ዸግነ ህንቀበትኔ፤

ዸገኡስ ህንደንደአን።

ዱቢን ዋቀዮ እሳንት ህንቶሉ፤

እትስ ህንገመደን።

11አን ገሩ ዼከምሰ ዋቀዮቲን ጉተሜረ፤

ኦብሱስ ህንደንደኡ።

“እጆሌ ዳንዲረ ጅረንረት፣

ደርገጎተ ወልት ቀበመንረት፣

ዽርሳፊ ኒቲረት፣

ወረ ዱሎመንትስ ዼከምሰ ነንዸንገላሰ።

12ዬሮ አን ሀርከኮ

ወረ ብየቲ ኬሰ ጅራተንት ኦል ፉዸዹት

መኔንሳኒ፣ ለፈ ቆቲሳሳኒቲፊ

ኒቶተሳኒ ወጅን ነሞተ ካኒፍ ኬነሙ”

ጄዸ ዋቀዮ።

13“ጥናዻ ሀመ ጉዳት

ሁንድሳኒዩ ቡኣ አርገቹፍ ገገቡ፤

ራጆትኒፊ ሉቦትንስ አከሱመ

ሁንድሳኒ ነመ ጎዎምሱ።

14እሳን መዳ ሰበኮቲ

አኩመ ዋን ጥና ቶኮት እላለኒ ወልኣኑ።

ኡቱ ነጋን ህንጅራትንስ

‘ነጋ፣ ነጋ’ ጄዹ።

15እሳን አመለሳኒ ጅብሲሳ ሰነት ንቃነኡ?

ለኪ፣ እሳን ቃኒ ቶኮዩ ህንቀበን፤

ቃነኡን ማል አከ ተኤዩ ህንቤከን።

ከናፉ እሳን ወረ ኩፈን ወጅን ንኩፉ፤

ዬሮ አን እሳን አደቡት ገድ ገተሙ”

ጄዸ ዋቀዮ።

16ዋቀዮ አከነ ጄዸ፦

“ከራ ቀጣሙራረ ዻበዻቲ እላላ፤

ዳንዲ ዱሪ እያፈዻ፤

ከራን ጋሪን ገረም አከ ጅሩ ጋፈዻቲረ ዴማ፤

ሉቡኬሰኒፍ ቦቆና ንአርገቱቲ።

እስን ገሩ፣ ‘ኑ እሰረ ህንዴምኑ’ ጄተን።

17አን ኤግዶተ እስንት ረመዴን

‘ሰገሌ መለከታ ዸጌፈዻ!’ ጄዼ፣

እስን ገሩ፣ ‘ህንዸጌፈትኑ’ ጄተን።

18ከናፉ ያ ሰቦተ ዸገኣ፤

ያ ወልዳ፣

ዋን እሳንት ዹፉፍ ጅሩ ሁበዻ።

19ያ ለፋ ዸገእ፦

አን ዋን እሳን ዱቢኮ ዸገኡ ድደኒ

ሴረኮስ ቱፈተኒፍ፣

ሰበ ከነት በዲሰ ነንፍደ፤

ኩንስ እጀ ደበሳኒት።

20እጣን ብየ ሼባቲ ዹፉ፣

ዮካን ቀዪ ብየ ፈጎቲ ዹፉ ማል ነ ፈየደ?

ኣርሳንኬሰን ከን ጉበሙ ፉዸተመ ህንቀቡ፤

ቀልምኬሰንስ ህንቶሉ።”

21ከናፉ ዋቀዮ አከነ ጄዸ፦

“አን ፉለ ሰበ ከና ዱረ ጉፉ ነንካአ።

አቦቲኒፊ እጆሌን ወሊ ወጅን እት ጉፈቱ፤

ኦሎትኒፊ ምቾትን ንበርበዳኡ።”

22ዋቀዮ አከነ ጄዸ፤

“ኩኖ፣ ገሬን ሎልቶታ ቶኮ

ብየ ካባቲ ዹፋ ጅረ፤

ሰብን ጉዳን ቶኮስ

አንዳረ ለፋቲ ሶሶቾኣ ጅረ።

23እሳን ጥያፊ ኤቦ ቀበተኒሩ፤

እሳን ገረ ጀቤዪ፣ ነማፍስ ናሱ ህንቀብኔዸ።

ዮሙ እሳን ፈርዴንሳኒ ጉሉፈንት

ግግግሱንሳኒ አኩመ ሁርሳ ገላናት፤

ያ እንተለ ጥዮን፣ እሳን አኩመ ነሞተ

ዱላፍ ህሪረኒት ስ ሎሉፍ ዹፉ።”

24ኑ ኦዱ ዋኤሳኒ ዸጌኜረ፤

ሀርክኬኘስ ንላፌ።

ዽጵን ኑ ቀበቴረ፤

ሚጡንስ አኩመ ዱበርቲ ጭኒንስፈቱ ኑ ቀቤ።

25ሰበቢ ዲን ጎራዴ ቀበቴፊ

ሰበቢ እዶ ሁንደ ጎሊን ጅሩፍ

እስን ዲደት ገድ ህንበእና፤

ዮካን ከራረ ህንዴምና።

26ያ ሰበኮ፣ ኡፈተ ገዳ ኡፈዻቲ

ዳራ ኬሰ ገንገለዻ፤

አከ ነመ እልመሳ ቶክቸ ዸቤት

ህቅፈዻ ቦኣ፤

እን ነመ በሌሱ ሱን

አኩመ ተሳ ኑት ዹፋቲ።

27“አከ አት ከራሳኒ ቆርቴ ቤክቱፍ

አን ሰበኮ ግዱት ቆረታ ስ ጎዼረ።

28ሁንድሳኒ ፍንጭልቶተ መተ ጀቤዪ

መቃ ነማ በሌሱፍ አሲፊ አች ጆረኒዸ።

እሳን ናሲፊ ስቢለ፤

እሳን ሁንድኑ መላ መልቱማ ሆጄቱ።

29ቡፋን ድላሊ እብዳን ጉቤ በሌሱፍ

ሁምነ ጉዳን ቡፈ፤

ሆጂን እብዳን ቁልቁሌሱ ኩን ፋይዳ መሌ ሆጄተመ፤

ነሞትን ሀሞን ህንበሌፈምኔቲ።

30ሰበቢ ዋቀዮ እሳን ገቴፍ

እሳን ሜቲ ገተማ ጄዸሙ።”