እሳያስ 18

ራጂ እቶጵያዻን ሞርሙ

1ብየ ለጌን እቶጵያቲን ገማ

ከን ቆቾሼቲን ሻክፍቱፍ ወዮ፤

2እሼን ገላነረ፣

ብድሩ ዸላዱቲን ኤርገሞተ ብሻንረ ኤርግት።

ያ ኤርገሞተ አሪፈቶተ፣

ገረ ሰበ ዼዼሮ ከኔን ጎጋንሳኒ ለላፉ፣

ገረ ሰበ ፈጎፊ ዽኦትስ ሶዳተሙ፣

ሰበ ጀባፊ አፋንሳ ህንቤከምኔ

ከን ብይሳኒ ለጌኒን ገርገር ቆደምቴ ሰና ዸቃ።

3እስን ኡመትን አዱኛ ሁንድ፣

ወር ለፈረ ጅራተን ዬሮ መለቶን ጋረረት // ኦል ቀበሙ ንአርግቱ፤

ዬሮ መለከትን አፉፈሙስ // እኑመ ዸጌሱ።

4ዋቀዮ አከነ ናን ጄዼ፦

“አን አኩመ ሆአ እፈ አዱ ኬሰት ጨለቅሱ፣

አኩመ ዱሜሰ ፍጤንሳ ከን ሆአ ዬሮ ምዻን ገልቸኒት

ጨልእሴ እዶ ጅሬኘኮቲ ነንእላለ።”

5ሃማ ምዻኒቲን ዱረ፣ ዬሮ ሁዻን ደራሬ

ደራራን ሱንስ እጀ ወይኒ ብልቻቴ ተኡት

እን ብላ እቲን ቆረኒን ለታሳ ንጭጭረ፤

ደሜ በበልአቴስ እራ ሙርሙሬ ንበሌሰ።

6እሳን ሁንድኑ አላቲ ቱሉ ከን ዋ አደምሱፊ

ብኔንሶተ ቦሶናቲፍ ዺፈሙ፤

አላቲን ቦነ ጉቱ፣

ብኔንሶትን ቦሶናስ ገነ ጉቱ እሳን ኛቱ።

7ጋፈስ ሰበ ዼዼሮ ከኔን ጎጋንሳኒ ለላፉራ፣

ሰበ ፈጎፊ ዽኦትስ ሶዳተሙራ፣

ሰበ ጀባፊ አፋንሳ ህንቤከምኔ

ከን ብይሳኒ ለጌኒን ገርገር ቆደምቴራ

ዋቀዮ ዋን ሁንደ ደንደኡፍ ኬናን ንፍደመ፤

ኬናን ሱንስ ገረ ቱሉ ጥዮን፣ እዶ መቃን ዋቀዮ ዋን ሁንደ ደንደኡ ጅራቱት ንፍደመ።