ሆሴኣ 10

1እስራኤል ሙከ ወይኒ ደጋጌ ቱሬ፤

እን መቱመሳቲፍ እጀ ነቀተ።

አኩመ እጅሳ ባይአቴን

እን እዶ ኣርሳ ሄዱ እጃረቴ፤

አኩመ ለፍትሳ ገበቴን

ኡቱባወን ዋቄፈትናሳ ሚዸግፈቴ።

2ገራንሳኒ ጎዎምሳዻን ጉተሜረ፤

እሳን አመ የከሳኒ ባዸቹ ቀቡ።

ዋቀዮ እዶ ኣርሳሳኒ ንዲገ፤

ኡቱባወን ዋቄፈትናሳኒስ ንበርበዴሰ።

3ኤርገሲ እሳን አከነ ጄዹ፤

“ኑ ሰበቢ ዋቀዮን ሶዳቹ ድድኔፍ ሞቲ ህንቀብኑ።

ገሩ ኡቱ ሞቲ ቀባትኔዩ

እን ስላ ማል ኑፍ ጎዸ?”

4እሳን ዋን ሄዱ ዋዳ ገሉ፤

ከኩ ሶባስ ሴነኒ

ወሊ ገልቴ ኡመቱ፤

ከናፉ ሴረ ዸቤዪን

አኩመ አረማ ሱሚ ቀቡ ከን ለፈ ቆቲሳ ኬሳት ለቱ።

5ነሞትን ሰማርያ ኬሰ ጅራተን

ሰበቢ ዋቀ ቶልፈማ ፈኪ ጀቢ // ከን ቤት ኣዌን ኬሳ ሰናቲፍ ሶዳቱ።

ሰብንሼ እሼዻፍ ቦአ።

ሉቦትንሼ ኤጅቶትን

ወር ኡልፍነሼቲን ገመደን ሱንስ

ሰበቢ እሼን እሳንራ ቦጅአምቴፍ ንቦኡ።

6ጀብችስ አከ ሀርከ ፉዻት

ያሪም ሞትቻፍ አሶርት ጌፈመ።

ኤፍሬም ንሰልጵፈመ፤

እስራኤል ዋቆተሼ ከኔን ሙከራ ቶልፈመኒፍ ንቃኖፍት።

7ሰማርያፊ ሞቲንሼ

አኩመ ሆመቸ ብሻንራት ፉዸተመኒ በዱ።

8እዶወን ሰገዳ ከኔን አዌን ንበርበዴፈሙ፤

ኩንስ ጩቡ እስራኤል።

ቆራቲፊ ሶኮሩን እረት ብቅሌ

እዶ ኣርሳሳኒ ሀጉገ።

ዬሮ ሰነ ነሞትን ቱሉወኒን፣ “ኑረት ጅጋ!”

ጋረኒንሞ፣ “ኑ ዾክሳ!” ጄዹ።

9“ያ እስራኤል እስን በረ ግቤኣቲ ጀልቀብደኒ // ጩቡ ሆጄተኒርቱ፤

አመስ አቹመት ሀፍተኒርቱ።

ግቤኣ ኬሰት ወራን ከኤ

ጀልኦተ ህንፍጡ?

10አን ዮን ፌዼ እሳን ነንአደበ፤

ሰበቢ ጩቡሳኒ ደቻ ሰናቲፍ

ህዻ ኬሰ እሳን ቡሱፍ // ሰቦትን ናኖሳኒት ወልት ቀበሙ።

11ኤፍሬም ጎሮምሰ ሌንጅፈሜ

ከን ምዻን ስርብሲሱ ጃለቱዸ፤

ከናፉ አን ሞርመሼረ

ዋንጆ ነንካአ።

አን ኤፍሬምን ነንኦፈ፤

ይሁዳን ለፈ ቆቲሳ ቆቱ ቀበ፤

ያቆብስ ብዮ ቡሌሱ ቀበ።

12ኦፊኬሰኒፍ ቀጄሉማ ፈጫፈዻቲ

እጀ ጃለላ ከን ህንዹምኔ ሃመዻ፤

ለፈኬሰን ከን ህንቆተምንሌ በቀቅሳ፤

ዬሮን ኩን ዬሮ ሀመ እን ዹፌ

ቀጄሉማ እስንት ሮብሱት

ዋቀዮን በርባደተኒቲ።

13እስን ገሩ ሀምነ ፈጫፈተኒ

ጀልእነ ሃመተን፤

እስን እጀ ሶባ ኛተኒርቱ።

ሰበቢ አት ጀብነኬቲፊ

ሎልቶተኬ ባይኤ ሰነ አብደቴፍ፣

14አኩመ ሸልማን ጋፈ ሎላት ቤት አርቤልን በሌሴ

ሃዾተ እጆሌሳኒ ወጅን ብዮት መከመን ሰነ፣

ደአኖወንኬ ሁንድ ንበርበዳኡ፤

ሁርሳን ወራናስ ሰበኬት ንከአ።

15ያ ቤትኤል፣ ሰበቢ ሀምንኬ አከ መሌ ጉዳ ተኤፍ፣

ወን አከሲ ስትስ ንዹፍት።

ጋፈ ጉያን ሱን በርኡት

ሞቲን እስራኤል ጉቱማን ጉቱት ንበርበዴፈመ።