እዝራ 9

ዋኤ ፉዻፊ ሄሩመ ወልመካ

1ኤርገ ወን ኩን ሆጄተሜ ቦዴ ሆገንቶትን ገረኮ ዹፈኒ አከነ ጄዸን፤ “ሰብን እስራኤል ሉቦታፊ ሌዎተሌ ደበለቴ ሰቦተ ኦላሳኒ ከኔን ሆጂ ጅብሲሳ ሆጄተን ጄቹንስ ከነኣኖተ፣ ሄቶተ፣ ፌርዞተ፣ ዬቡሶተ፣ አሞኖተ፣ ሞኣቦተ፣ ወረ ግብጢፊ አሞሮተራ አዳን በአኒ ህንጅራትኔ። 2እሳንስ እንተለን ጀራ ኦፊሳኒቲፍ ፉዸኒ እልማንሳኒስ ፉስሰኒ ሰኚ ቁልቁሉ ሰነ ሰቦተ ናኖሳኒት መከን። ሆገንቶትኒፊ ቆንዳልቶትንስ በሌሳ ከነ ሆጄቹ ኬሰት ዱረ ኣንቶተ ቱረን።”

3አን ዬሮን ዋን ከነ ዸገኤት ቆሜኮፊ ኡፈተኮ ነንተርሳሴ፣ ርፌንሰ መታኮፊ አሬደኮ ኦፍራ ቡቅሴ አከ መሌ ርፈዼን ታኤ። 4ከነረት ነሞትን ዱቢ ዋቀ እስራኤሊን ሆለተን ሁንድ ሰበቢ በሌሳ ወረ ቦጁዻ ዴብአን ከናፍ ናኖኮት ወልት ቀበመን። አንስ አከ መሌ ርፈዼ ሀመ ኣርሳ ገልገላት አቹመን ታኤ።

5አንስ ዬሮ ኣርሳ ገልገላት አኩመ ቆሜፊ ኡፈትንኮ ተርሰኤ ጅሩት ለፈን ገዴ ታኣ ቱሬ ከኤ ጅልቤንፈዼ ሀርከኮ ገረ ዋቀዮ ዋቀኮት በልእሴ 6አከነ ጄዼን ከዸዼ፦

“ያ ዋቀኮ፣ ሰበቢ ጩቡንኬኘ መታኬኘ ብረ ኦል ደርቤ የክኬኘስ ሰሚ ገኤፍ፣ ያ ዋቀኮ አን ፉለኮ ገረኬት ዴብፈቹ አከ መሌ ቃነኤረ፤ ሳልፈዼረስ። 7በረ አቦቲኬኛቲ ጀልቀቤ ሀመ አማት በሌሳንኬኘ ጉዳዸ። ሰበቢ ጩቡኬኛፍ ኑ፣ ሞቶትንኬኛፊ ሉቦትንኬኘ አኩመ ሀርኣ ከነ ሀርከ ሞቶተ ኦርማ ጀለት ጎራዴፊ ቦጁት፣ ሳምቻፊ ሰልጵነት ደበርፈምኔ ኬነምኔረ።

8“አመ ገሩ ዋቀዮ ዋቅንኬኘ ሀምባ ኑ ሀምብሴ እዶሳ ቁልቁሉ ሰነ ኬሰት እዶ አመንሲሳ ኑፍ ኬኑዻን ዬሮ ገባባዻፍ ገራ ኑፍ ላፌረ፤ አከሲንስ ዋቅንኬኘ እጀኬኛፍ እፈ ኬኔረ፤ ገርቡማኬኘ ኬሰትስ ጥኖ ኑ ቦቆቺሴረ። 9ኑ ገርቦተ ታኑሌ ዋቅንኬኘ ገርቡማ ኬሰት ኑ ህንገትኔ። እን ፉለ ሞቶተ ፋሬስ ዱረት ጃለለሳ ከን ህንጌደረምኔ ሰነ ኑ አርግሲሴረ። እን አከ ኑ መነ ዋቀኬኛ ዴብፍኔ እጃሩፊ አከ ዲገማሳሌ እዶት ዴብፍኑፍ ጅሬኘ ሃራ ኑፍ ኬኔረ፤ ይሁዳፊ ዬሩሳሌም ኬሰትስ ደላ ደአትኖ ኑ ኬኔረ።

10“አመ ገሩ ያ ዋቀኬኘ ኑ ከነ ቦዴ ማል ጄቹ ደንዴኘ? ኑ አጀጀ 11አት ከራ ገርቦተኬ ራጆታን ኬንቴ ሰናፍ ህንአጀጀምኔቲ፤ እንስ አከነ ጄዸ፦ ‘ብይ እስን ዻሉዻፍ ሴኑት ጅርተን ጡራኡማ ሰበ ብየ ሰናን ጡሮፍቴርት። እሳን ሆጂ ጅብሲሳሳኒቲን ሀንዳረ ቶኮ ሀመ ሀንዳረ ካንት ጡራኡማሳኒቲን ብየቲ ጉተኒሩ። 12ከናፉ እንተለንኬሰን እልማን እሳንት ህንሄሩምሲስና ዮካን እልማንኬሰን እንተለንሳኒ ህንፉስስና። አከ ጀባተኒፍ፣ አከ ዋን ጋሪ ብየ ሰና ኛተኒ ብየትሌ ዻለ በረ በራ ጎተኒ እጆሌኬሰንት ደበርስተኒፍ ዮምዩ እሳን ወጅን ወሊ ገልቴ ምቹማ ህንበርባድና።’

13“ወን ኑረ ገኤ ኩን ገቲ ጎቸወን ሀምነኬኛፊ የከኬኘ ጉዳ ሰናት፤ ሃተኡቲ አት ዋቅንኬኘ አደበ ጩቡኬኛፍ መሉን ገድ ኑ አደብዴ ሀምባ አከና ኑ ኬንቴርተ። 14ኑ አመሌ አጀጀኬ ጨብስኔ ሰበ ሆጂወን ጅብሲሶ ሆጄቱ ከናን ወል ሃፉኑ? ዮስ አት አከ መሌ ኑት ዼከምቴ ሀመ ሀምባን ቶኮዩ ህንሀፍኔት ኑ ህንበሌስቱሬ? 15ያ ዋቀዮ ዋቀ እስራኤል፣ አት ቀጄላዸ! ኑ ሀርአ ሀምባ ታኔ ጅራኔረ። ቶኮንኬኘዩ ሰበቢ የከኬኛፍ ፉለኬ ዱረ ዻበቹ ደዸብኑሌ ኑ ኩኖ የኩመኬኘ ወጅን ፉለኬ ዱረ ጅረ።”