በኡ 33

1ዋቀዮ ሙሴዻን አከነ ጄዼ፤ “አቲፊ ሰብን አት ብየ ግብጢቲ ባፍቴ ፍዴ ኩን አሲ በኣቲ ገረ ብየ አን አብረሃሚፍ፣ ይስሃቂፊ ያቆቢፍ፣ ‘አን ሰኚኬቲፍ ነንኬነ’ ጄዼ ከከዼ ሰና ዸቃ። 2አን ኤርገማኮ ፉለኬ ዱራን ኤርጌ ከነኣኖተ፣ አሞሮተ፣ ሄቶተ፣ ፌርዞተ፣ ሂዎታፊ ዬቡሶተ አርኤ ነንባሰ። 3ገረ ብየ ኣነኒፊ ደም ኬሳ ቡርቁ ዸቅ። ገሩ ዋን አት ሰበ መተ ጀቤሰ ታቴፍ አን አከ ከራት ስ ህንበሌስኔፍ ስ ወጅን ህንዴሙ።”

4ጀር ዮሙ ኦዱ ሀማ ከነ ዸገአንት ገዱ ጀልቀበን፤ እሳን ኬሳስ ነምን ቶኮዩ ፋየ ቶኮሌ ህንካአትኔ። 5ዋቀዮ ሙሴዻን አከነ ጄዼራቲ፤ “ሰበ እስራኤሊን አከነ ጄዽ፤ ‘እስን ሰበ መተ ጀቤዪዸ። አን ኡቱ ዬሩመ ሙራሰሌ እስን ወጅን ዴሜ ስላ እስን በሌሰ ቱሬ፤ እስን አመ ፋየወንኬሰን ኦፍራ ባሳ፤ አንስ ዋነን እስን ጎዹ ነንሙርቴሳ።’ ” 6ከናፉ እስራኤሎን ጋረ ኮሬብ ብረት ፋየወንሳኒ ኦፍራ ባሰን።

ዱንካነ ወል ገኢ

7ሙሴን ዱንካነ ቶኮ ፉዼ እዶ ቁበታ ሰነ ኬሳ ባሴ አች ፈጌሴ ዻበ ቱሬ፤ ዱንካነ ሰነስ፣ “ዱንካነ ወል ገኢ” ጄዼ ሞጋሴ። ነምን ዋቀዮን በርባደቱ ሁንድኑ እዶ ቁበታ ሰነ ኬሳ በኤ ገረ ዱንካነ ወል ገኢ ሰና ዸቀ ቱሬ። 8ዬሮ ሙሴን በኤ ገረ ዱንካነ ሰና ዸቁ ሁንደ ሰብን ሁንድኑ ከኤ በልበለ ዱንካነ ኦፊሳ ዱረ ዻበቴ ሀመ እን ዱንካንቸ ሴኑት እላለ ቱሬ። 9ዬሮ ሙሴን ዱንካነ ሰነ ሴኑት ኡቱባን ዱሜሳ ገድ ቡኤ በልበለ ዱንካንቻ ዱረ ዻበተ ቱሬ፤ ዋቀዮስ ሙሴ ወጅን ዱበተ ቱሬ። 10ሰብን ዬሮ ኡቱባ ዱሜሳ ከን በልበለ ዱንካና ዱረ ዻበቱ አርጉት ሁንድሳ ኦል ከኤ ቶኮን ቶኮን ነማ ዱንካነ ኦፊሳ ዱረት ሰገደ ቱሬ። 11ዋቀዮስ አኩመ ነመ ምቹሳ ወጅን ሃሰኡ ቶኮት እፉማን እፈት ሙሴት ዱበቻ ቱሬ። ኤርገሲስ ሙሴን እዶ ቁበታት ዴብአ ቱሬ፤ ገርጋራንሳ፣ እያሱን እልም ኑን ደርገጌስ ሱን ገሩ ዱንካነ ሰነ ብራ ህንዴሙ ቱሬ።

ሙሴፊ ኡልፍነ ዋቀዮ

12ሙሴን ዋቀዮን አከነ ጄዼ፤ “እላ፣ አት፣ ‘ሰበ ከነ ዱረ ቡኢ ባስ’ ናን ጄቴርተ፤ ገሩ አነ ወጅን ኤኙን አከ ኤርግቱ ነ ህንቤክስፍኔ። አት፣ ‘አን መቃዻን ስ ቤከ፤ አት ነ ብረት ፉዸተመ አርገቴርተ’ ጄቴ። 13አመስ አን ፉለኬ ዱረት ሱራ አርገዼ ዮን ጅራዼ፣ አከ አን ስ ቤኩፊ አከ አን ፉለኬ ዱረት ሱራ አርገዹፍ ከራኬ ነ በርሲስ፤ አከ ሰብን ኩን ሰበኬ ተኤስ ያደዹ።”

14ዋቀዮስ ዴብሴ፣ “አን ስ ወጅን ነንዴመ፤ ቦቆናስ ሲፍን ኬነ” ጄዼ።

15ሙሴንሞ አከነ ጄዼን፤ “ዮ አት ኑ ወጅን ዴሙ ባቴ፣ አሲ ኑ ህንባስን። 16አት ኑ ወጅን ዴሙ ባናን ነምን አከሚን አከ አት አናፊ ሰበኬት ገመዱ ቤከ? ወን አናፊ ሰበኬ ሰቦተ ለፈራ ካን ሁንደራ አዳን ባሱ ብራ ማልሬ?”

17ዋቀዮሞ ሙሴዻን፣ “አን ዋን አት አመ ከዸቴ ከነ ነንጎዸ፤ አት ፉለኮ ዱረት አያነ አርገቴርታቲ፤ አንስ መቃዻን ስ ቤከ” ጄዼ።

18ሙሴንስ፣ “ማሎ ኡልፍነኬ ነ አርግሲስ” ጄዼ።

19ዋቀዮሞ አከነ ጄዼ፤ “አን ጋሩማኮ ሁንዱማ ፉለኬ ዱረ ነንደበርሰ፤ መቃ ዋቀዮ ፉለኬ ዱረት ነንለብሰ። አን ከነን ማሩ ነንማረ፤ ከነን ገራ ላፉፊስ ገራ ነንላፈ። 20ገሩ ዋን ነምን ፉለኮ አርጌ ጅራቹ ህንደንዴኜፍ አት ፉለኮ አርጉ ህንደንዴሱ።”

21ኤርገሲስ ዋቀዮ አከነ ጄዼ፤ “ኩኖ አስ ነ ብረ እዶን አት ከታረ ዻበቹ ደንዴሱ ጅረ። 22አን ዬሮ ኡልፍንኮ ደርቡት ጅሩ ሆልቀ ከታ ኬሰ ስ ካኤ ሀመ አን ደርቡት ሀርከኮቲን ስ ደኤሰ። 23ኤርገሲስ አን ሀርከኮ ነንፉዸዸ፤ አትስ ዱግደኮ ንአርግተ፤ ፉልኮ ገሩ አርገሙ ህንቀቡ።”