አሞስ 1

1ኩን ሙልአተ አሞስ እን ትክሴወን ቴቆኣ ኬሳ ቶኮ ቱሬ ሱን በረ ኡዝያን ሞቲ ይሁዳ፣ ዬሮብኣም እልም ዮኣሽሞ ሞቲ እስራኤል ቱሬት፣ ኡቱ ሶቺን ለፋ ህንተእን ወጋ ለመ ዱረ ዋኤ እስራኤል አርጌዸ።

2እንስ አከነ ጄዼ፦

“ዋቀዮ ጥዮን ኬሳ እየ፤

ዬሩሳሌም ኬሳ ሰገሌ ዸጌስሰ፤

ድሬን ትክሶትን እት ቦባሰን ንጎገ፤

ፊጤን ጋረ ቀርሜሎስስ ንጮለገ።”

ሙርቲ ኦሎተ እስራኤልት ሙረሜ

3ዋቀዮ አከነ ጄዸ፦

“አን ጩቡ ደማስቆ ሰዲፍ፣

አፉሪፍስ ዼከምሰኮ ዱበት ህንዴብሱ።

ሰበቢ እሳን ሜሻ እቲን ምዻን ዸአን

ከን እልካን ስቢላ ቀቡን ግልኣድን ቱመኒፍ፣

4አን እብደ ደአትኖ ቤን-ሀዳድ

በርበዴሱ ቶኮ፣ መነ ሀዛኤልት ነንኤርገ።

5አን ከረ ደማስቆ ነንጨብሰ፤

ሞቲ ሱሉለ አዌን ኬሰ ጅሩፊ

እሰ ቤት ኤዴን ኬሰት ቦኩ ቀበቱ ነንበሌሰ።

ኡመትን ሶርያ ቦጅአሜ ቂርት ንጌፈመ”

ጄዸ ዋቀዮ።

6ዋቀዮ አከነ ጄዸ፦

“አን ጩቡ ጋዛ ሰዲፍ፣

አፉሪፍስ ዼከምሰኮ ዱበት ህንዴብሱ።

ሰበቢ እሼን ሀዋሰ ሁንደ ቦጅቴ

ኤዶምት ጉርጉረቴፍ፣

7አን እብደ ደአትኖሼ በርበዴሱ ቶኮ

ደላ ጋዛት ነንኤርገ።

8አን ሞቲ አሽዶዲፊ እሰ አሽቀሎን ኬሰት

ቦኩ ቀበቱ ሰነ ነንበሌሰ።

አን ሀመ ሀምባን ፍልስጤሞታ ዱኡት

ሀርከኮ ኤቅሮንት ነንዴብፈዸ”

ጄዸ ዋቀዮ ጎፍታን።

9ዋቀዮ አከነ ጄዸ፦

“አን ጩቡ ጢሮስ ሰዲፍ፣

አፉሪፍስ ዼከምሰኮ ዱበት ህንዴብሱ።

ሰበቢ እሼን ወሊ ገልቴ ኦቦሉማ ጨብስቴ

ሀዋሰ ቦጅአሜ ጉቱ ኤዶምት ጉርጉረቴፍ

10አን እብደ ደአትኖሼ በርበዴሱ ቶኮ

ደላ ጢሮስት ነንኤርገ።”

11ዋቀዮ አከነ ጄዸ፦

“አን ጩቡ ኤዶም ሰዲፍ፣

አፉሪፍስ ዼከምሰኮ ዱበት ህንዴብሱ።

ሰበቢ እን ገረ ላፍነ ሁንደ ገቴ

ኦቦሌሰሳ ጎራዴዻን አርኤፍ፣

ሰበቢ ኣሪንሳ እቱመ ፉፌ ሆኤ

ዼከምስሳስ ኡቱ ህንዾወምን ቦበኤፍ፣

12አን እብደ ደአትኖ ቦዝራ በርበዴሱ ቶኮ

ቴማንት ነንኤርገ።”

13ዋቀዮ አከነ ጄዸ፦

“አን ጩቡ አሞን ሰዲፍ፣

አፉሪፍስ ዼከምሰኮ ዱበት ህንዴብሱ።

ሰበቢ እን ዳንጋሳ በበልእፈቹፍ ጄዼ

ዱበርቶተ ግልኣድ ከኔን ኡልፈ ቀበን በቀቅሴፍ

14አን ጉያ ሎላት ወጫን፣

ጉያ ቅሌንሰ ሀማትሞ ቡቤ ጀባዻን

እብደ ደአትኖሼ በርበዴሱ ቶኮ

ደላ ረባት ነንኤርገ።

15ሞቲንሼ ቦጅአሜ እኒፊ

ቆንዳልቶትንሳ ወጅን ንቦጅአሙ”

ጄዸ ዋቀዮ።