2 ሳሙኤል 1

ዳዊት አከ ሳኦል ዱኤ ዸገኤ

1፥4‑12 ኩወፈ – 1ሳሙ 31፥1‑13፤ 1ሴና 10፥1‑12

1ሳኦል ኤርገ ዱኤ ቦዴ፣ ዳዊት አማሌቆተ ሩኩቱራ ዴብኤ ሲቅላግ ኬሰ ጉያ ለመ ቱሬ። 2ጉያ ሰደፋት ነምች ቶኮ ቁበተ ሳኦሊ ዹፌ፤ እንስ ወያሳ ተርሳሴ መታሳት አዋረ ፍርፍርፈቴ ቱሬ። ዮሙ ዳዊት ብረ ገኤትስ ኡልፍነ እሳፍ ኬኑፍ ጄዼ አዳን ለፈት ጎምብፈሜ።

3ዳዊትስ፣ “አት ኤሳ ዹፍቴ?” ጄዼ እሰ ጋፈቴ።

ነምችሞ፣ “አን ቁበተ እስራኤሎታ ኬሳን በቀዼ ዹፌ” ጄዼ።

4ዳዊትስ፣ “ማልቱ ዸለቴ? ሜ ነት ህም” ጄዼ ጋፈቴ።

እንስ፣ “ነሞትን አደ ወራናቲ ንበቀተን። ባይኤንሳኒ ሀርጨአኒሩ፤ ዱአኒሩስ። ሳኦሊፊ እልምሳ ዮናታንስ ዱአኒሩ” ጄዼን።

5ከነረት ዳዊት ደርገጌሰ ኦዱ ከነ ፍዴን፣ “አከ ሳኦሊፊ እልምሳ ዮናታን ዱአን አት አከምት ቤክቴ?” ጄዼ።

6ደርገጌስ ሱንስ አከነ ጄዼ ዴብሴ፤ “አኩመ ተሳ አን ቱሉ ግልቦኣት ኦል በኤን ቱሬ፤ ሳኦልስ ኤቦሳት እርከቴ አች ቱሬ፤ ጋሪወን ሎላቲፊ አቦቲን ፈርዳ እሰ ብረ ገአን። 7እንስ ዮሙ ገረገሌ ነ አርጌት ነ ዋሜ፤ አንስ፣ ‘ማል ሲፍ አጀጀሙ?’ ጄዼ እሰ ጋፈዼ።

8“እንስ፣ ‘አት ኤኙ?’ ጄዼ ነ ጋፈቴ።

“አንሞ፣ ‘አን ነመ አማሌቅ’ ጄዼን ዴብሴ።

9“ኤርገሲስ እን፣ ‘ነረ ዻበዹ ነ አጄስ! ዋን ሉቡን ነ ኬሳ ህንበእኒፍ አን አከ መሌ ዽጰቻን ጅራቲ’ ናን ጄዼ።

10“ከናፉ አን ሰበቢን አከ እን ኤርገ ኩፌ ህንፈይኔ ቤኬፍ እሰረ ዻበዼን እሰ አጄሴ። ጎንፎ መታሳቲፊ ብተዎ ሀርከሳ ፉዼ ጎፍታኮቲፍ ፍዴረ።”

11ዳዊቲፊ ነሞትን እሰ ወጅን ቱረን ሁንድ ወያ ኦፍራ ባሰኒ ተተርሳሰን። 12እሳንስ ሳኦሊፊ ዮናታኒፍ፣ ሎልቶተ ዋቀዮቲፊ መነ እስራኤል ሁንዳፍ ገደኒ ንቦአን፤ ሀመ ገልገላት ንሶመን፤ እሳን ጎራዴዻን ዹመኒሩቲ።

13ዳዊትስ፣ “አት ኤሳ ዹፍቴ?” ጄዼ ደርገጌስቸ ኦዱ ፍዴ ሰነ ጋፈቴ።

እንስ፣ “አን እልመ አማሌቅ፣ ነምቸ ገልቱ ተኤ ቶኮት” ጄዼ ዴብሴ።

14ዳዊትሞ፣ “ዮስ አት ድበማ ዋቀዮ ቶኮ ገላፈቹፍ ሀርከኬ ኦል ፉዸቹ ማሊፍ ህንሶዳትንሬ?” ጄዼ ጋፈቴ።

15ኤርገሲ ዳዊት ነሞተሳ ኬሳ ቶኮ ዋሜ፣ “ዸቂቲ ዸኢ እሰ አጄስ!” ጄዼ። እንስ እሰ ዸኤ፤ ነምችስ ንዱኤ። 16ዳዊትስ፣ “ሰበቢ አፋኑምትኬ፣ ‘አን ነመ ዋቀዮ እሰ ድቤ አጄሴረ’ ጄዼ ዹጋ ስት በኤፍ ዺግንኬ መቱመኬት ዴብአ” ጄዼን።

ፋሩ ዳዊት ሳኦሊፊ ዮናታኒፍ ፋርሴ

17ዳዊት ፋሩ ከናን ሳኦሊፊ እልመ ሳኦል ዮናታኒፍ ቦኤ፤ 18አከሱመስ ፋሩ እዳ ጄዸሙ ከነ አከ ነሞትን ይሁዳ በርሲፈመን አጀጄ፤ ኩንስ ክታበ ያሻር ኬሰት በሬፈሜረ። እንስ፦

19“ያ እስራኤል፣ ኡልፍንኬ ጋረንኬረት አጄፈሜረ።

ነሞትን ጀጀቦን አከምት አከስ ኩኩፈን!

20“ዋን ከነ ጋት ኬሰት ህንዱበትና፤

ዳንዲወን አሽቀሎንረትስ ህንለብስና፤

ዮ ከና አቺ እንተለን ፍልስጤሞታ ንገመዱ፤

እንተለን ወረ ዸግነ ህንቀበትኒስ ንእልልቹ።

21“ያ ቱሉወን ግልቦኣ፣

ፍጤንስ እስንረ ህንቡእን ዮካን ቦካን እስንት ህንሮብን፤

ዮካን ለፍት ቆቲሳ ምዻን ኣርሳፍ ዽኤፈሙ

ብቅልቹ እስን ኬሰት ህንአርገምን።

ጋቸን ነመ ጀባ አችት ጡራኤራቲ፤

ጋቸን ሳኦል ስአች ዘይቲ ህንድበሙ።

22“ዺገ ነሞተ ዹመኒ ኬሳ፣

ፎን ነሞተ ጀጀቦራ፣

እዳን ዮናታን ዱበት ህንዴብኔ፤

ጎራዴን ሳኦልስ አከሱማን ህንዴብኔ።

23ሳኦሊፊ ዮናታን ዬሮ ሉቡን ጅራቻ ቱረንት፣

ጃለተሞ ነምን እሳንት ገመዱ ቱረን፤

እሳን ዬሮ ዱኣትስ ገርገር ህንባኔ።

እሳን ርሳ ጫላ አሪፈቱ፣

ሌንጨ ጫላስ ጀባቱ ቱረን።

24“ያ እንተለን እስራኤል፣

ሳኦል እሰ ወያ ብልዲማፊ ኡፈተ ሀጲ እስንት ኡፍሴ፣

ከን ወያኬሰን ወርቄዻን ሚዸግሴ፣

ሰናፍ ቦኣ።

25“ነሞትን ጀጀቦን አከምት ወራነ ኬሰት ኩፉ!

ዮናታን ጋረንኬሰንረት አጄፈሜረ።

26ያ ዮናታን ኦቦሌሰኮ፣ አን ሲፍ ገዴረ፤

አት አናፍ ነመ አከ መሌ ጃለተማ ቱርቴ።

ጃለል አት ናፍ ቀብዱ ድንቅሲሳ ቱሬ፤

ጃለለ ዱበርቲ ጫላ ድንቅሲሳ ቱሬ።

27“ነሞትን ጀጀቦን አከምት ኩፈን!

ምኦን ሎላ በሌፈመኒሩ!”