2 ሴና 14

1አብያንስ አቦቲ ኦፊሳ ወጅን ቦቆቴ መጋላ ዳዊት ኬሰት አዋለሜ። እልምሳ ኣሳን እዶሳ ቡኤ ሞቲ ተኤ፤ በረሳ ኬሰስ ብየቲን ወጋ ኩዸን ነጋዻን ጅራቴ።

ኣሳ ሞትቸ ይሁዳ

14፥2‑3 ኩወፈ – 1ሞቶ 15፥11‑12

2ኣሳን ዋን ፉለ ዋቀዮ ዋቀሳ ዱረት ጋሪፊ ቀጄላ ተኤ ሆጄቴ። 3እንስ እዶወን ኣርሳ ዋቆተ ኦርማፊ እዶወን ሰገዳ ከኔን ጋረንራ ንዲጌ፤ ሶዱወን ዸጋፊ ሲዳወን ኣሼራ ንጨጨብሴ። 4አከ ሰብን ይሁዳ ዋቀዮ ዋቀ አቦቲሳ በርባዱ፣ አከ ሴረሳፊ አጀጀ እሳፍ ቡሉ ንአጀጄ። 5መጋላወን ይሁዳ ሁንደ ኬሳስ እዶወን ሰገዳ ከኔን ጋረንራፊ እዶወን ኣርሳ እጣና በሌሴ፤ ሞቱማንስ እሰ ጀለት ነጋዻን ንጅራቴ። 6እንስ ዋን ብየቲን ነጋ አርገቴፍ ይሁዳ ኬሰት መጋላወን ደላ ጀባ ቀበን ንእጃሬ። ሰበቢ ዋቀዮ ቦቆና እሳፍ ኬኔፍ ወጎተ ሰነ ኬሰ ነምን ቶኮዩ ሎለ እሰት ህንካፍኔ።

7እንስ ነሞተ ይሁዳን አከነ ጄዼ፤ “ኮታ ኑ መጋላወን ከኔን ሃእጃሩ፤ ደላ ገሞ፣ ጩፋፊ ደንቀራወን ቀቡ እት ናኔስኔ ሃእጃሩ፤ ሰበቢ ኑ ዋቀዮ ዋቀኬኘ በርባኔፍ ለፍት ኩን አመስ ኬኙመ፤ ኑ እሰ በርባኔ፤ እንስ ከራ ሁንዳን ቦቆና ኑፍ ኬኔ።” እሳን ንእጃረን፤ ሆጂንሳኒስ ንምልካኤፍ።

8ኣሳን ነሞተ ይሁዳ ከኔን ጋቸነ ጉርጉዳፊ ኤቦ ቀበተን ኩመ ዽበ ሰዲ፣ ነሞተ ቤንያም ከኔን ጋቸነ ጥጥናፊ ጥየወን ቀበተን ኩመ ዽበ ለማፊ ሰዴተመ ቀበ ቱሬ። እሳን ኩኔን ሁንድ ሎልቶተ ጭጭሞ ቱረን።

9ዜራን ነምች እቶጵያ ቶኮሞ ሎልቶተ ምልዮነ ቶኮፊ ጋሪወን ዽበ ሰዲ ፉዸቴ ሀመ ማሬሻት እሳንት ንዱሌ። 10ኣሳንስ እሰት በኤ፤ እሳንስ ሱሉለ ዜፋታ ኬሰት ማሬሻ እዶ ሎላ ቀበተን።

11ከነረት ኣሳን ዋቀዮ ዋቀሳ ዋመቴ አከነ ጄዼ፤ “ያ ዋቀዮ፣ ከን አከኬ ነሞተ ሁምነ ህንቀብኔ ገርጋሬ ነሞተ ጀጀቦ ጀላ ባሱ ቶኮዩ ህንጅሩ። ያ ዋቀዮ ዋቀኬኘ፣ ኑ ስት ኦፍ ኬንኔራቲ ኑ ገርጋር፤ መቃኬቲንስ ወራነ አከ መሌ ጉዳ ከነት ዱሌረ። ያ ዋቀዮ አት ዋቀኬኘ፤ አከ ነምን ስት ጭሙፍ ኦፍት ህንዺስን።”

12ዋቀዮስ ፉለ ኣሳቲፊ ይሁዳ ዱራ ነሞተ እቶጵዮተ ንዸኤ፤ ነሞትን እቶጵያስ ንበቀተን። 13ኣሳፊ ሎልቶትንሳስ ሀመ ጌራራት እሳን አርአን። ዋን ባይኤንሳኒ ዹመኒፍ ነሞትን እቶጵያ ዴብአኒ በየነቹ ህንደንዴኜ፤ እሳን ፉለ ዋቀዮፊ ፉለ ሎልቶተሳ ዱረት በርበዴፈመኒሩቲ። ነሞትን ይሁዳስ ቦጁ ባይኤ ፉዸተኒ ዴብአን። 14እሳን ሰበቢ ሶዳችስን ጉዳን ዋቀዮ ብራ ጀረት ዹፌፍ ገንዶተ ናኖ ጌራራ ጅረን ሁንደ በርበዴሰን። እሳንስ ሰበቢ ወንቶትን ቦጅአመን ሄዱን አች ቱረኒፍ ገንዶተ ከኔን ንሳመን። 15አከሱመስ ቁበተወን ትክሶታ ዸአኒ ከረ ሆሎታፊ ሬኦተ አከ መሌ ሄዱፊ ጋለወንሌ ቦጅአኒ ፉዸተን። ኤርገሲስ ዬሩሳሌምት ደቸአን።