1 ጴጥሮስ 3

ኒቶትን ዽርሶታፍ ቡሉ

1ያ ኒቶተ፣ ዮ ዽርሶትን ዱብቸ ህንአመኔ ቶኮ ቶኮ ጅራተን አከ እሳን ዱቢ ቶኮ መሌ አመሉመ ኒቶተሳኒቲን ቦጅአመኒፍ እስንስ አከሱመ ዽርሶተኬሰኒፍ አጀጀማ፤ 2እሳንስ ዮሙ ቁልቁልናፊ ሶዳ እስን ጅሬኘኬሰን ኬሰት ቀብደን አርገንት ንቦጅአሙ። 3ሚዸግንኬሰን ፋየ አላን ሙልአቱን ጄቹንስ ሹሩባ ዸአቹ፣ ወርቄ ካአቹፊ ኡፈተ በሬዳ ኡፈቹን ህንተእን፤ 4ቆደ ከና ሚዸግንኬሰን ሚዸግነ ኬሰ ነሙማኬሰኒ ሃተኡ፤ እንስ ሚዸግነ ሀፉረ ገራሚፊ ተስገባኣ፣ ከን ህንበድኔ፣ ከን ፉለ ዋቃ ዱረት ገቲ ጉዳ ቀቡ ሃተኡ። 5ዱበርቶትን ቁልቁሎትን ዱሪ ወር ዋቀ አብደተንስ አከሱመ ዽርሶተሳኒቲፍ አጀጀሙዻን ኦፍ ሚዸግሰን፤ 6ሳራንስ አብረሃሚን “ጎፍታ” ጄቴ ዋማ እሳፍ አጀጀማ ቱርቴ። እስንስ ዮ ዋን ቀጄላ ሆጄተኒፊ ሶዳቹ ባተን እንተለንሼት።

ድርቀመ ዽርሶታ

7ያ ዽርሶተ፣ እስንስ አከሱመ አከ እሳን ደዸቦ ተአን ሁበዻቲ ኡልፍነ እሳኒፍ ኬኑዻን ኒቶተኬሰን ወጅን ጅራዻ፤ ከነስ ሰበቢ እሳንስ እስን ወጅን አያነ ጅሬኛ ዻለኒፍ አከ ወን ቶኮዩ ከዻኬሰን ህንጉፈቺፍኔፍ ጄዻቲ ጎዻ።

ሰበቢ ዋን ጋሪ ሆጄተኒፍ ዽጰቹ

8ዹመረት ሁንድኬሰን ያደ ቶኮ ቀባዻ፤ ወሊ ነኣ፤ አከ ኦቦሎታት ወል ጃለዻ፤ ገራ ላፎታፊ ወረ ገድ ኦፍ ቀበንስ ተኣ። 9ሀማ፣ ሀማዻን ህንዴብስና፤ ዮካን አረብሶ፣ አረብሶዻን ህንዴብስና፤ ቆደ ከና ኤብሳ። እስንስ አከ ኤበ ዻልተኒፍ ከኑማፍ ዋመምተኒቲ።

10“ነምን ጅሬኘ ጃለቱ፣

ከን በረ ጋሪስ አርጉ ሀዉ ከምዩ፣

አረበሳ ሀምነራ፣

ህዺሳሞ ሶበ ዱበቹራ ሃኤገቱ።

11እን ሀምነራ ዴብኤ ጋሪ ሃሆጄቱ፤

ነጋ ሃበርባዱ፤ ዱካ ሃቡኡስ።

12እጅ ጎፍታ ቀጄልቶተረ ጅራቲ፤

ጉርሳስ ከዸተሳኒቲፍ በነማዸ፤

ገሩ ፉል ጎፍታ ወረ ሀማ ሆጄተንት ንሀማተ።”1

13እስን ጋሪ ሆጄቹፍ ዮ ህናፍተን፣ ኤኙቱ እስን ሚዸ? 14ገሩ ዮ ቀጄሉማፍ ጄተኒ ዽጰተን እስን ኤብፈሞዸ። “ሶዳችሱሳኒ ህንሶዳትና፤ ህንጄቀምናስ።”2 15ገሩ ገራኬሰን ኬሰት ክርስቶስ ጎፍትቻፍ ኡልፍነ ጉዳ ኬና። ነመ ሰበቢ አብዲ እስን ቀብደን ሰና እስን ጋፈቱ ከሚፍዩ ዴቢ ኬኑፍ ዬሮ ሁንደ ቆጳኣ። ዋን ከነሞ ገራሙማፊ ሶዳን ጎዻ፤ 16እስንስ ዮሙ ነሞትን ዋኤኬሰን ዋን ሀማ ዱበተንት አከ ወር አመለ ጋሪ እስን ክርስቶስ ኬሰት ቀብደን ሰነ አረብሰን ቃነአኒፍ ያደ ጋሪ ቀባዻ። 17ዽጰቹንኬሰን ፌዺ ዋቃ ዮ ተኤ፣ ሀማ ሆጄተኒ ዽጰቹረ ጋሪ ሆጄተኒ ዽጰቹ ወየ።

ፈኬኘ ክርስቶስ

18ክርስቶስስ ዋቀት እስን ፍዱፍ ጄዼ እን ቀጄላን፣ ወረ ቀጄልቶተ ህንተእኒፍ ስአ ቶኮ ጩቡፍ ዽጰቴራቲ። እን ፎኒን ንአጄፈሜ፤ ሀፉራን ገሩ ጅራታ ታስፈሜ፤ 19ኤርገ ጅራታ ታስፈሜሞ ዸቄ ሀፉሮተ መነ ህዻ ጅረንት ለለቤ፤ 20እሳንስ በረ ኖህ ኬሰ ኡቱ ዶኒን እጃረማ ጅሩ፣ ዬሮ ዋቅን ኦብሳን ኤጌት ወረ ህንአጀጀምኒዸ። ዶኒ ከናንስ ነመ ሙራሰ፣ ወሉመት ነመ ሰዴት ቆፈቱ በዲሰ ብሻኒ ጀላ በኤ፤ 21ብሻን ኩን ፈኬኘ ጩጳ አመዩ እስን ፈይሱት፤ ኩንስ ዸግነራ ጡሪ ባሱ ኡቱ ህንተእን ቀልቢ ቁልቁሉን ዋቃፍ ዋዳ ገሉዸ። እንስ ዱኣ ከኡ ዬሱስ ክርስቶሲን እስን ፈይሰ፤ 22ክርስቶስ ሰሚት ኦል በኤ ምርገ ዋቃ ጅረ፤ ኤርገሞትን ዋቃ፣ ኣንጎወኒፊ ሁምኖትን ሁንድኑ እሰ ጀለት ቡሉ።