Kitaaba Qulqulluu, Biblica® Hiikkaa Ammayyaa Banamaa Haaraa, Loqoda Dhiʼaa
Faarfannaa 129
Kadhannaa Diinota Xiyooniin Mormuuf Kadhatame
Faarfannaa ol baʼuu.
Israaʼel akkana haa jedhu;
“Isaan dargaggummaa kootii jalqabanii akka malee na cunqursaniiru;
isaan dargaggummaa kootii jalqabanii akka malee na cunqursaniiru;
garuu na hin moʼanne.
Warri qootiisa qotan dugda koo qotan;
boʼoo isaaniis ni dheeressan.
Waaqayyo garuu qajeelaa dha;
funyoo jalʼootaa gargar kukkuteera.”
Warri Xiyoonin jibban hundinuu,
qaaniidhaan duubatti haa deebiʼan.
Isaan akka marga bantii manaa irraa
kan utuu hin guddatin goguu haa taʼan;
namichi haamu qabaa isaa guuttachuu,
yookaan namichi walitti qabu bissii isaa guuttachuu hin dandaʼu.
Warri achiin darban, “Eebbi Waaqayyoo isiniif haa taʼu;
maqaa Waaqayyootiin isin eebbifna” isaaniin hin jedhin.
Kitaaba Qulqulluu, Biblica® Hiikkaa Ammayyaa Banamaa Haaraa, Loqoda Dhiʼaa. Copyright © 2022 Biblica, Inc. Licensed under CC BY-SA 4.0. “Biblica” is trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.