Fakkeenya 29

1Namni ifannaa baayʼee booddee

mataa jabaatu kam iyyuu akkuma tasaa caba; hin fayyus.

2Yommuu namni qajeelaan aangoo qabatutti, sabni ni ililcha;

yommuu namni hamaan bulchu garuu sabni ni guunguma.

3Namni ogummaa jaallatu abbaa isaa gammachiisa;

miiltoon sagaagaltuu garuu qabeenya isaa barbadeessa.

4Mootiin murtii qajeelaadhaan biyyaaf nagaa buusa;

kan mattaʼaaf gaggabu immoo biyya gargar qoqqooda.

5Namni ollaa isaa jaju,

miilluma isaatiif kiyyoo kaaʼa.

6Namni hamaan cubbuu ofii isaatiin qabama;

qajeelaan garuu ni faarfata; ni ililchas.

7Namni qajeelaan mirga hiyyeessaatiif dhaabata;

namni hamaan garuu dhimma akkanaa hin qabu.

8Qoostonni magaalaa jeequ;

ogeeyyiin garuu aarii qabbaneessu.

9Yoo ogeessi gowwaa wajjin mana murtii dhaqe,

gowwaan sun ni aara yookaan ni kolfa; nagaanis hin jiraatu.

10Namoonni dhiiga dheebotan, nama amanamaa jibbu;

nama tolaas ajjeesuu barbaadu.

11Gowwaan guutumaan guutuutti aariitti of kenna;

ogeessi garuu of qaba.

12Yoo bulchaan tokko soba dhaggeeffate,

qondaaltonni isaa hundi ni hammaatu.

13Hiyyeessaa fi namni nama cunqursu waan kanaan wal fakkaatu:

Waaqayyo ija lachan isaaniitiifuu agartuu kenna.

14Yoo mootiin tokko wal qixxummaadhaan // hiyyeeyyiif murtii kenne,

teessoon isaa bara baraan jabaatee dhaabata.

15Ulee fi ifannaan ogummaa kennu; daaʼimni akkasumatti

gad dhiifame garuu haadha isaa salphisa.

16Yommuu hamoonni aangoo qabatan, cubbuutu baayʼata;

qajeeltonni garuu kufaatii jaraa argu.

17Ilma kee adabadhu, inni nagaa siif kenna;

lubbuu kees ni gammachiisa.

18Iddoo mulʼanni hin jirretti sabni gad dhiisii taʼa;

namni seera eegu garuu eebbifamaa dha.

19Garbichi dubbii afaanii qofaan hin sirreeffamu;

inni yoo hubate illee deebii hin kennuutii.

20Ati nama jarjarsuun dubbatu argitee?

Isa irra gowwaatu abdii caalu qaba.

21Nama garbicha ofii isaa // ijoollummaa isaatii jalqabee qanansiisu,

galgalli isaa rakkina.

22Namni aaru lola kakaasa;

kan dafee aarus cubbuu hedduu hojjeta.

23Of tuulummaan namaa isuma gad deebisa;

namni hafuuraan gad of qabu garuu ulfina argata.

24Namni hattuu wajjin qooddatu lubbuu ofii isaa jibba;

inni ni kakata; garuu waan tokko illee hin himu.

25Nama sodaachuun kiyyoo namatti taʼa;

kan Waaqayyoon amanatu garuu nagaadhaan jiraata.

26Namni hedduun bulchaa biratti surraa argachuu barbaada;

murtiin qajeelaan garuu Waaqayyo biraa dhufa.

27Qajeelaan sobduu xireeffata;

hamaan immoo nama tolaa jibba.