Zabuuriiwwan 67

Zabuurii Yeroo Midhaan Galfamuu

Dura Buʼaa Faarfattootaatiif. Miʼa ribuutiin. Zabuurii.

1Allaahan garaa nuuf laafu; nu haa eebbisus;

fuula isaas nurratti haa ibsu;

2kunis akka karaan kee lafa irratti,

fayyisuun kee immoo saboota hundumaa biratti beekamuuf.

3Yaa Allaah, saboonni si haa jajatan;

saboonni hundii si haa jajatan.

4Ati waan qajeelummaadhaan namoota bulchituuf,

saboota lafa irraas waan geggeessituuf,

saboonni haa gammadanis; ililchaniis haa faarfatan.

5Yaa Allaah, saboonni si haa jajatan;

saboonni hundii si haa jajatan.

6Lafti midhaan kenniteerti;

Allaah, Allaahan keenyas nu eebbiseera.

7Allaahan nu eebbiseera;

handaarri lafaa hundi isa haa sodaatu.