Isaayyaas 12

Faarfannaa Galataa

1Ati gaafas akkana jetta:

“Rabbii Allaah, ati natti aartee turte;

aariin kees narraa deebiʼeera;

na jajjabeessiteertaatii sin galateeffadha.

2Dhugumaan Allaahan fayyina koo ti;

ani isa nan abdadha; hin sodaadhus.

Rabbii Allaahan, Rabbii Allaahan mataan isaa,

jabinaa fi faarfannaa koo ti; // inni fayyina koo taʼeera.”

3Isin burqaa fayyinaa keessaa

gammachuudhaan bishaan waraabbattu.

4Isin bara sana keessa akkana jettu:

“Rabbii Allaahaf galata galchaa; maqaa isaa waammadhaa;

waan inni hojjete sabootatti beeksisaa;

akka maqaan isaa ol ol jedhe lallabaa.

5Inni waan ulfina qabu hojjeteeraatii Rabbii Allaah faarfadhaa;

wanni kun addunyaa hunda keessatti haa beekamu.

6Yaa saba Xiyoon, Qulqullichi Israaʼel // isin gidduutti guddaadhaatii

sagalee ol fudhadhaatii gammachuudhaan faarfadhaa.”