Hooseʼaa 6

Israaʼel Qalbii Jijjiirrachuu Didde

1“Kottaa gara Rabbii Allaahatti deebinaa.

Inni nu ciccireera;

garuu nu fayyisa;

inni nu madeesseera;

garuu madaa keenya ni waldhaana.

2Akka nu fuula isaa dura jiraannuuf,

guyyaa lama booddee nu bayyanachiisa;

guyyaa sadaffaatti immoo deebisee nu dhaaba.

3Kottaa Rabbii Allaah haa beeknu;

isa beekuufis haa tattaaffannu.

Akkuma aduun dhugumaan baatu sana

inni dhugumaan ni dhufa;

inni akkuma bokkaa gannaa,

akkuma bokkaa birraa kan lafa quubsu sanaatti // gara keenya ni dhufa.

4“Yaa Efreem, ani maalan si godha?

Yaa Yihuudaa, ani maalan si godha?

Jaalalli keessan akkuma hurrii ganamaa,

akkuma fixeensa barii baduu ti.

5Kanaafuu ani nabiiʼiyyoota kootiin isin cicciree

dubbii afaan kootiin isin fixe;

murtiin koos akkuma aduu ni baʼa.

6Ani araaran fedha malee aarsaa hin fedhuutii;

aarsaa gubamu caalaa Allaah beekuu nan fedha.

7Isaan akkuma Aadam kakuu cabsaniiru;

achittis anaaf hin amanamne.

8Giliʼaad magaalaa hamootaa

kan dhiigaan faalamtee dha.

9Akkuma saamtuun riphxee nama eeggattu sana,

gareen lubootaas akkasuma godhu;

isaan yakka qaanessaa hojjechuudhaan

karaa Sheekem irratti nama ajjeesu.

10Ani mana Israaʼel keessatti

waan suukaneessaa tokko argeera.

Achitti Efreem ni sagaagale;

Israaʼelis ni xuraaʼe.

11“Yaa Yihuudaa sittis

haamamuun murteeffameera.

“Yeroo ani boojuu saba koo deebisutti,