Edwɛndolɛ 43

Edwɛndovolɛ ne ye Diedi Nzɛlɛlɛ

1O Nana Nyamenle, ko me ti maa me; die me fi adalɛma nee amiledivoma asa anu. 2Wɔmɔ yɛɛ ɛle me pepɛdievolɛ a; na duzu ati a wɔkpo me ɛ? Duzu ati a metɛkɔ zo metɛfɛ, wɔ me kpɔvolɛma asa anu a?

3Soa wɔ kɛnlaneɛ ne nee wɔ nɔhalɛ ne maa bɛrɛla; maa ɛhye mɔ ɛzinza me. Maa bɛli me nyunlu bɛrɛla wɔ Boka Nwuanzanwuanza ne azo, na membɛla ɛ nwo ɛkɛ ne. 4Akee mebahɔ wɔ azukponle ne anwo, O Nana Nyamenle; wɔmɔ mɔɔ me fɛlɛkolilɛ muala zo wɔ a. Mebabɔ sanwunle meado edwɛne meaye wɔ ayɛlɛ, Awulae, me Nyamenle. 5Duzu ati a alɔbɔlɛ kpole ku me a? Na duzu ati a melɛnwu amaneɛ ɛ? Mebava me anyelazo meawula Nana Nyamenle nu; na meahanvo ye bieko kɛ ɔle me pepɛdievolɛ nee me Nyamenle.