Edwɛndolɛ 41

Ehyiavolɛma bɛ Ngakyelɛ

1Nyilalɛ ɛha bɛdabɛ mɔɔ bɛse ehyiavolɛma anwunvɔne la; Nana Nyamenle baboa bɛ wɔ bɛ ngyianlɛ nu. 2Nana Nyamenle bazinza bɛ, na yeaye bɛ yeavi munzule nu. Ɔbamaa bɛanyia ahomeka wɔ azɛlɛ ne azo; ɔnrɛmaa bɛ kpɔvolɛma asa ɛnrɛha bɛ. 3Nana Nyamenle baboa bɛ wɔ bɛ anwodolɛ nu; ɔbamaa bɛade kpɔkɛ.

4Menzele kɛ, “Meyɛ ɛtane metia wɔ, O Nana Nyamenle; nwu me anwunvɔne, na yɛ me ayile.” 5Me kpɔvolɛma ɛmbɔ me duma kpalɛ. Bɛ kunlu anu a anrɛɛ mewu, ɛmaa bɛ rɛle ɛvi me. 6Bɛdabɛ mɔɔ ba bakpɔla me la ɛnle nɔhavoma; babatiedie me nwo edwɛkɛ ɛtane, na bɛahɔdo bɛakponde. 7Me kpɔvolɛma yɛ me nwo huhuhuhu; bɛdwenle me nwo adwenle ɛtane. 8Bɛka ye kɛ, “Ɔla Yalɛ Ɛkpa zo; ɔnrɛdwazo bieko ɛlɛ.”

9Agɔnwolɛ kpalɛ bɔbɔ mɔɔ medie ye medi; mɔɔ me nee ye to ɛsalɛ wɔ ɛyɛba ko anu la ɛhakyi ɔ nzi ɛzi me. 10Se me anwunvɔne, O Nana Nyamenle, na maa mende kpɔkɛ, amaa meahola ko tia me kpɔvolɛma. 11Bɛnrɛhola me nwo zo konim di; ɛkɛ ne yɛɛ mebanwu ye kɛ ɛkulo me edwɛkɛ kpalɛ a. 12Ɛbaboa me, ɔluakɛ meyɛ wɔ ɛhulolɛdeɛ; ɛbahwe me wɔabeta ɛ nwo dahuu.

13Nyilalɛ ɛha Nana Nyamenle, Yizilayɛ Nyamenle! Anyunlunyia ɛha ye ɛnɛ ɔ nee melɛ mɔɔ ɔnlɛ awieleɛ la. Ɔyɛ ɛkɛ! Ɔyɛ ɛkɛ!