Biblica® Open Nzema Word of Life Gospels & Psalms 1984
Edwɛndolɛ 3
Nana Nyamenle le Devidi ye Boavolɛ
Menli dɔɔnwo ne ala ko tia me, O Nana Nyamenle; dodo ne ala kakyi bɛ nzi si me! Bɛkeha me nwo edwɛkɛ ɛtane ɛtane na bɛse kɛ, “Nana Nyamenle ɛnrɛhola ɛnrɛboa me.” Noko akee O Nana Nyamenle, wɔmɔ a dahuu ɛsinza me ɛfi munzule nu a. Wɔmɔ yɛɛ ɛmaa me konimlilɛ, na eza ɛmaa me akɛnrazilɛ a.
Mesu mefɛlɛ Nana Nyamenle kɛ ɔraboa me; na ɔtie me ɔfi ye boka nwuanzanwuanza Zayɔn azo. Meto me nwo aze meda anzondwolɛ nu; na Nana Nyamenle sinza me aledwolɛ ne amuala. Ɛhye ati saa kanzɛ bɔbɔ kpɔvolɛma apenle bulu bɔ me nwo mgbɔlɛka yia a, menzulo. Bɛla ndɛndɛ, O Nana Nyamenle! Pepɛ die me, O me Nyamenle! Komo me kpɔvolɛma anwo zo bɔkɔbɔkɔ, na bubu atisesebɛvoma ne mɔ agye.
Ɔluakɛ konimlilɛ nee ngoanelielɛ vi Nana Nyamenle lɔ; yɛɛ eza ɔdaye a ɔmaa ye menli di fɛlɛko a.
Biblica® Open Nzema Word of Life Gospels & Psalms 1984. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.