Edwɛndolɛ 26

Atiakunlunkɛnlɛmanli ye Nzɛlɛlɛ

1Bua me benle ndɛne, O Nana Nyamenle; ɔluakɛ mele nɔhavo. Medie Awulae medi, zɔhane ati dahuu megyi ye kpundii. 2Sɔ me nea, O Nana Nyamenle; O sɔ me nea. Sɔ me ahonle nee me adwenle nea. 3Ɔluakɛ wɔ atiakunlukɛnlɛma ne le me nzuzubaka; yɛɛ wɔ nɔhalɛlilɛ ne maa me ngɔzo. 4Me nee kpamgbavolɛma ɛndu; me nee adalɛ nabalabama ɛnlɛ ɛhwee yɛ. 5Mekyi ɛtanevolɛma agɔnwolɛvalɛ; yɛɛ mengulo bɔbɔ kɛ menwɔwolo bɛ. 6O Nana Nyamenle, menrinzi me sa anwo medi daselɛ kɛ menze nwolɛ bie; na mesonle wɔ, mebɔ wɔ azukponle ne anwo mgbɔlɛka. 7Meto edwɛne meyɛ wɔ mo mefa mekile wɔ nwanwane nyɛleɛ ne mɔ.

8Mekulo wɔ aako ne mɔɔ ɛde nuhua la, O Nana Nyamenle; ɛleka ne mɔɔ wɔ anyunlunyia ne wɔ la.

9Mmafa me ɛfonla ɛtanevolɛma anwo ɛsekye bɛ; mmamaa me nee ahodiawu 10mɔɔ ninyɛndane ngome a bɛyɛ, na ndoloboalielɛ ɛnzea bɛ adenle la nyia ahatualɛ ko.

11Mame mɔ, medi nɔhalɛ; nwu me anwunvɔne na pepɛ die me!

12Me gyakɛ gyi nɔhalɛ adenle ne anu; wɔ ayiama ekpunli ekpunli ne avinli yɛɛ meye Nana Nyamenle ayɛlɛ a.