Biblica® Open Nzema Word of Life Gospels & Psalms 1984
Edwɛndolɛ 13
Ɛkɛla ne mɔɔ ɛnlɛ anyelazo biala la
O Nana Nyamenle, ɛmaa ɛ rɛle avi me ahɔkpula kenle nzu? Anzɛɛ ɛnrɛhakye me bieko ɔ? Ɛbaye ɛ nyunlu wɔavea me kɔkpula kenle nzu? Menli nyane wɔ me ahonle nu mengɔndwu kenle nzu? Fane nyɛ yɛɛ me kpɔvolɛma bahomo me nwo zo a? Nea ɛhye na bua me, O me Awulae Nyamenle; maa wienyi ɛli me nyunlu wɔ awozinli ɛhye anu, yemɔ anrɛɛ mebawu. Mmamaa me kpɔvolɛma se kɛ, “Ɛhɛe, yevo ɔ kɔme zo.” Anrɛɛ yemɔ bɛdabɛ mɔɔ bɛkyi me la bali fɛlɛko wɔ me azedɔlɛ nwo.
Na mame mɔ, dahuu mefa me rɛle mewula wɔ ɛhulolɛ kpundii ne anu; me ahonle bali fɛlɛko wɔ wɔ ngoanelielɛ ne anu dahuu. Mebado edwɛne meaye Nana Nyamenle ayɛlɛ, ɔluakɛ yeyila me totohyia ne ala.
Biblica® Open Nzema Word of Life Gospels & Psalms 1984. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.