Biblica® Open Nzema Word of Life Gospels & Psalms 1984
Edwɛndolɛ 124
Ɛpepɛlielɛ wɔ Munzule mɔɔ bɛ nye ɛnla la anu
Saa tɛ Nana Nyamenle mɔɔ ɛnee ɔwɔ yɛ afoa la a, bɛmaa Yizilayɛ akee ɛha ye kɛ, saa tɛ Nana Nyamenle mɔɔ ɛnee ɔwɔ yɛ afoa, wɔ mekɛ mɔɔ yɛ kpɔvolɛma dwazole tiale yɛ la a, anrɛɛ bɛmemenle yɛ anyewɔzo nu ala, wɔ mekɛ mɔɔ bɛvale yɛ nwo ɛya la; anrɛɛ azuyilɛ ne ravale yɛ muala hɔle maanle nzule vole yɛ nwo zo; anrɛɛ azɛlɛkye mgbole ne mɔ noko nlomanle yɛ bɔkɔɔ.
Nyilalɛ ɛha Nana Nyamenle, mɔɔ yeanva yɛ yeanyɛ menli gye ati aleɛ yeammaa bɛanli la. Yɛnriandi yɛvi menli ne mɔ ngane ne mɔ mɔɔ bɛzuozuale yɛ la anu; ɛhane ne ɛvuandi na yɛnriandi yɛvi nu!
Yɛ moalɛ vi Nana Nyamenle duma ne anu, yemɔ mɔɔ ɔbɔle anwuma nee aze la.
Biblica® Open Nzema Word of Life Gospels & Psalms 1984. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.