Runyankore - Rukiga Bible 1964
Zaaburi 128
Omugisha gw'eka y'omuntu orikutiina Mukama
Ekyeshongoro ky'abarikutemba omuri hekalu
Aine omugisha omuntu weena orikutiina MUKAMA,
Akagyendera omu mihanda ye. 2
Oryaguma orye ebi emikono yaawe ehendekyeire;
Oryayesiima, kandi ogire omugisha. 3
Omukazi waawe aryaba nk'omuzaabibu ogurikwana
Omu bishengye by'omu nju yaawe,
N'abaana baawe nk'amataagi g'omuzeituuni
Beehinguririize emeeza yaawe.
Reeba, okwo nikwo omuntu orikutiina MUKAMA
Ariheebwa omugisha. 4
MUKAMA akuhe omugisha naayema omuri Saayuuni,
Oreebe omugisha gwa Yerusaalemu ebiro byona eby'amagara gaawe. 5
Eego, oreebe abaana b'abaana baawe!
Obusingye bugume ahari Israeli.
Source notes (5)
- Cross-reference Zab 112:1; Enf 8:32.
- Cross-reference Isa 3:10.
- Cross-reference Zab 52:8; Ezk 19:10.
- Cross-reference Zab 134:3.
- Cross-reference Zab 125:5; Kut 50:23; Enf 17:6.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.