Runyankore - Rukiga Bible 1964
Yona 2
Okushaba kwa Yona
Bwanyima Yona yaashaba MUKAMA Ruhanga we, ari omunda y'eky'enyanja, naagira ati: 1
Ahabw'obusaasi ntakiire MUKAMA,
Yangarukamu;
Naataka ndi omunda y'Okuzimu,
Waahurira eiraka ryangye. 2
Ahabw'okuba onnagire omu maizi maingi
Ahagati y'enyanja;
Ago maizi gaanyehinguririza,
Ebingonzi byawe n'emijumba yaawe byona byandengyeraho. 3
Ntyo naagira nti: Ncwirwe omu maisho gaawe;
Mbwenu ndyareeba nta hekalu yaawe erikwera obundi. 4
Amaizi ganshwekire,
Amaizi maingi gaanyehinguririza,
Amarebe gaanyezingirira omu mutwe
Ahu enshozi zitsimbire emizi. 5
Naashuuma, naahika omu nsi
Ei empimbi zaayo zinkingiraniire kimwe;
Kwonka waiha amagara gangye omu Kiina,
Ai MUKAMA Ruhanga wangye. 6
Omutima gwangye ku gwagwire enshazi,
Naakwijuka, MUKAMA;
Okushaba kwangye kwahika omuri hekalu yaawe erikwera. 7
Abata omutima aha bishushani ebitaine mugasho
Baba batsigireho Orikubasaasira. 8
Kwonka nyowe ndyakutambira ebitambo n'eiraka ry'okusiima;
Eki naahigire nindaganisa, ndyakihikiiriza.
Okujuna n'okwa MUKAMA.
Bwanyima MUKAMA yaaragiira ekyo ky'enyanja, kyatanaka Yona aha nkungu.
Source notes (8)
- Cross-reference Zab 42:7; 88:6, 7.
- Cross-reference Amo 1:1.
- Cross-reference 1 Bag 8:35, 38; Zab 31:22.
- Cross-reference Zab 69:1.
- Cross-reference Zab 16:10; 103:4.
- Cross-reference 1 Bag 8:30; Zab 107:5; 142:3.
- Cross-reference 2 Bag 17:15; Yer 2:5, 13.
- Cross-reference Zab 50:14.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.