2 Eby'omu Busingye 27

Eby'omu busingye bwa Yosamu

11

Yosamu akaba aine emyaka makumi abiri n'etaano, obu yaatandika kutegyeka; yaategyekyera Yerusaalemu emyaka ikumi na mukaaga. Nyina akaba naayetwa Yerusha muhara wa Zadoki. 22 Yaakora ebirikusiimwa MUKAMA, nk'ebi Uziya ishe yaakozire byona, okwihaho eky'okutaahisa amaani omuri hekalu ya MUKAMA. Kwonka abantu baagumizamu nibakora ebibi. 3Yaayombeka eirembo rya ruguru ery'enju ya MUKAMA, kandi yaayombeka ebyombeko bingi aha rugo rw'amabaare rwa Ofeli. 4Kandi yaayombeka endembo omu nsi y'ebibungo eya Yuda, hamwe n'ebigo n'eminaara aha bubungo bw'ebibira. 5Yaarwanisa abagabe b'Abaamoni, yaabasingura. Omu mwaka ogwo Abaamoni baamutoijera etalanta z'efeeza igana, n'ebitenga by'engano kakumi, n'ebya sayiri kakumi. Kandi omu mwaka gwa kabiri n'ogwa kashatu Abaamoni baamutoijera batyo. 6Atyo Yosamu yaahinduka ow'amaani, ahabw'okushemeza emitwarize ye omu maisho ga MUKAMA Ruhanga we. 73

Endiijo mirimo ya Yosamu, n'engamba ze zoona, n'emitwarize ye, reeba bihandiikirwe omu kitabo ky'abagabe ba Israeli n'aba Yuda. 8Akaba aine emyaka makumi abiri n'etaano, obu yaatandika kutegyeka, yaategyekyera Yerusaalemu emyaka ikumi na mukaaga. 9Yosamu yaagwejegyera, yaashanga baishenkuru, yaaziikwa omu rurembo rwa Daudi. Ahazi omutabani yaategyeka omu mwanya gwe.