Skip to content
BibleKenya

TRADUCTION BILBE EN KINYANGA

Bakorosai 4

Na banu muri n'etuhungu, mwendi muninka to ebyakomenwa n'ebyeriira, na musibiriranga hotu mbu na banu mukorengi Kirisitu euri mu mbingu.

Mahano

Mwandire mu muhemo. Na mu mahemo ngo, mukohyanga. Mwenda banu mwerengi Ongo mbu mushima. Mutuhemi na bate hotu, kongo Ongo watwobori esandubi s'erienda katura eMwasi wae w'ekaramo, ingu wabiswanga bushwa na Kirisitu. Na bushwa n'eMwasi ngo ngyasingwa naminwa. Kai munihemi kongo naturao shu-shu imbu ebwakomenwa ani ikora. Mwendi mubese na mikorere ya butesa kuri ebea imbi enti bakirisitu. Mukoreshe ishu esantambi esashee banu. Ebinwa binu byakomenwa ibese binwa byakonda ematu ati na byaraisha. Mukomenwa isiba isako kira mwea ishu.

Nkei ya hende

Tikiko munakitu, ingu washima bate, mukori winyihirwa, tuna munakitu ngu ukorange nani emurimo wa Nyere Kuritu, wasebuture emyasi yani eiti. Kincho ngi chasingwa namutuma kuri banu kongo wabuture emyasi itu n'ibuninka muho. Namutuma na munakitu Onesimu ingu washima ani na winyihirwa. Onesimu ngo mwea wakukwinu. Ibo ngi basebuture ebinwa biti ebyakweta kuno. Arisitariko ngu waminwa hima nani wabukea. Na Mariko, munachabo Baranaba nae wabukea hotu. Mumakinda ihanwa bushwa na Mariko. Kuti weya kukwinu, mumukokenga ishu. Na Yesu ingu wabikirwa mbu Yusito, nae wabukea hotu. Mubayuta bati mbi bakusimira, ebashatu bano ho ngi bakorange hima nani bushwa n'emurimo we bwami bwa Ongo. Bamanininka muho nguru. Munakinu Epafura nae wabukea hotu. Iwe mukori wa Yesu Kirisitu, watangaruha muri buheme, kongo mwandira mu kinwa cha Ongo ni bereresha ebyashima Ongo. Ani kisine nakwisungire mu meso ani ebwinubyange we bushwa ninu na bushwa na banakitu imbi basimira Yesu ba ku Raondikia na ba ku Hierapori. Munakitu ngu washima bate, munganga Ruka, na Ndema babukea. Mutukereanga banakitu ba ku Raondikia, hima na Nimufa, n'ebasimira Yesu imbi ebakumananenga mu mwae. Mumakinda isoma emaruba ano mwesumyanga asomwe hotu mu kanisa ka ku Raondikia. Nabanu hotu musomanga emaruba ngi akianga nandikire ekanisa nko. Mwerenga Arikipo mbu wakohyanga, waberereshe emurimo ngu waninkwangae na Nyere Kuritu. Ani Poro nabukea, musibanga mbu nikiri mu muyororo. Ongo wabukasani.

TRADUCTION BILBE EN KINYANGA. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.