गलाती

गलतीकरांस प्रेशित पौलाचे पत्र

गलातीवालाहां प्रेशित पौलुसोअ पत्र

ओलखात

“गलातीवालाहां प्रेशित पौलुसोअ पत्र” ओं पुस्तक प्रेशित पौलुसे लेख्योहो.

पौलुसे ओं पत्र गलाती इलाखामेऱ्यीइ मंडड़ीइ यहुदी आन बिगर यहुदी बेनु जातीइ विश्वासी पाव्हीइलाहां लेख्योतो. खास कोइत खोटा शिक्शणोअ विरोद कोइलोअ काजे ओं पत्र लेख्योतो काहाके जे सिकाड़नारा ओता ते कोताते के एका विश्वासीही जुना नियमोअ बी पालन कोइलोअ गरज होय, जेहलोहो खतनाआ कोइलोअ आन खाअलोअ या बाप्तिम. एक एहेलुहू यहुदी मतवादी माहुंउं टोलु ओतु, जो बिगर यहुदी विश्वासी माहुंहूं यहुद्यांआं तो जुनू नियम पालन कोए तेहें जबरजस्ती कोअतेते. आन तें माअहें पौलुसोअ प्रेशितपणोपोअ बी प्रश्न उबो कोअतेते. पौलुस तियां माहुंहूं सोताआ साक्शी आपित कोइत बोराबर उत्तर आपेहे,

रुप-रेशा

1. पौलुस पत्राआ सुरुवातीम गलातियाआ आखी मंडड़ीही सलाम कोअहे.

2. तिहीं रोत पौलुस सोताआ परिस्थिती कोत देखाड़ेहे तो तियाआ सिकाड़ीइलोअ आधिकारोअ काजे आन तो कायदाआ परमाणे जिवीइलोअ कोशित कोअहे खोरु, पोन तियाहा नाहां बोणती.

3. आगाड़ी तो कायदाआ साल केहेलिही आन तारणोअ काजे देवोअ मेरवानीइं साल केहेलिही तों कोत आपेहे.

4. तिहींइंं फासाड़ी तो हाजो विश्वासी जिवन केहें कोइत जिवीइलोअ तिहींइंं बाप्तिम थोड़ीक सुसना आपेहे.

5. पौलुस सलाम कोअतुज तियाआ पत्र लेखीइलोअ बंद कोअहे आन आखरीइ विनंती कोइत ओर मिके तेहें कोहे के देव उपरसोल्या नियम पालनोअ देखावा रोत जाअखु नविल बोदलाअला जिवनोहो जाअखो महत्व आपेहे ओं ओर मिकुहूं जोवे.