Loma

Mukanda ua Paulu kuli vaka

LOMA

Citsindikisi

Livulu lia Loma valisonekele kuli Kanganda Paulu ha miaka ya mukati ka makumi atanu na iuana nakutuala ha miaka makumi atanu na miaka itanu na itatu (54-58) hanima ya kusemuka ca Kilistu. Tele Paulu kanda aciye mukumeneka ku Loma kaha uatumine mukanda ou kushika vaka Kilistu mu Loma, kuli vaje Vayunda na vaje keti Vayunda. Ou mukanda uausonekele tele acili mu nganda ya Kolinte muomu ha ntsimbu ije kukekuo kuakele nakukala. Paulu uasonekele linga mafuti oshe atsiliele nakuononoka Yesu Kilistu (16:26) Livulu lia Loma liapua livulu lia seho ku vaka Kilistu kuoshe na mu vintsimbu vioshe muomu ya muje mulialumbunuka muacili na muje mualitumbikilamo Paulu mukulumbununa muacili kuovoka cije kutuasa kukala naco kuhitila muli Yesu Kilistu. Paulu naua uanungakanene Muzimbu Uacili ua Yesu Kilistu ku Litavasano Lialaja. Vaka kulilongesa vavengi vakaliluisa nguavo cinimbu ca seho mu livulu eli capua 1:16 eci cihandeka nguaco, “Kunjivu shuamua ha Muzimbu Uacili, muomu ukeuo nzili ya Njambi ha kuovoka kuli uoshe uje atsiliela: ha kulivanga kuli Vayunda, kuhumaho kuli vaje keti Vayunda.” Mbazuvuila ya kulivanga ya Loma kuhuma (1-12) inahandeka cikuma via hali Njambi, kaha mbazuvuila ya mucivali kuhuma (13-15) ili na vishika viavingi ha vuyoye vua vaka Kilistu.

Muvana vitumbikilamo

1. Paulu, mu mukanda uendi aputuka kuliambulula ikeye vavenia na ku vantu vaje vausonekelele (1: 1-15)

2. Cakuhatako asoneka vuyoye vua muntu na kuovoka kuhitila muli Yesu Kilistu (1: 16; 11:36)

3. Hanima yevi Paulu ahana vishika via vuyoye vua Yesu (12: 1; 15: 13)

4. Uamanusuile Livulu lia Loma mukuhana vimeneka ku vantu va cikungulukilo ca Loma (16)