Kusolola

Kusolola

Kuli Yiuano

Citsindikisi

Livulu lia Kusolola likelio lia mamanusuilo mu Litavasano Lialiha. Kaha naua liapuile liakumanusuila kusoneka ha miaka yakusetekesa makumi atanu na iuana na miaka itanu (95) hanima ya kusemuka ca Kilistu, valisonekele kuli Kanganda Yiuano (1:1) Kaha naua ikeye uasonekele Muzimbu Uacili ua Yiuano na mikanda itatu ya Yiuano uakulivanga, Yiuano uamucivali, na Yiuano ua mucitatu. Yiuano ikeye naua uje ivazivukile nguavo, “Uje yazangele Yesu.” (Yiuano 13:23) Uasonekele livulu eli lia Kusolola tele ali ha nkundu ya Patimose muomu hakeho havamutualele ku vunzinda ha mulonga ua kuambulula Muzimbu Uacili ua Yesu Kilistu (Kusolola 1:9) Visinganieka via Yiuano hakusoneka livulu lia Kusolola viapuile kusimpisa vaka kutanda linga vakale mu kulongua kuli Yesu Kilistu na kuvahana kutsiliela muomu kuhiluka ca Yesu cili muyehi (1:3; 22:7) Uasonekelele kuli voshe vaka Kilistu na ku vikungulukilo lika vije vitanu na vivali mu kapetulu (2; 3) Yiuano atumbula visoneka viendi kupua via vunanguizi (1:3) kaha alikuasesa vifua viavingi mu livulu lioshe kulumbununa viuma vije viamuene. Livulu eli linalifu na mitambela imo ya mu Litavasano Lialaja, cikuma kuma hali Zakaliya 6:1-8 Matolombita atanu na avali na malonga atanu na avali na vikevio vinalifu na tuyando tuakama tuje tuatumine Njambi mukuhana kashitiko vaka Ingito (Ezundu 7; 9) Livulu lia Kusolola lihandeka ha ntsimbu ya kumanusuila, ngeci Yesu akahiana, kaha voshe vaje vakahaka kutsiliela cavo muli ikeye vakayoya ya yaye nendi. Eceleni eli livulu liminangule nakumihana kutsiliela ngeci Yesu ali nakuhiluka vuasi vuasi.

Muvana vitumbikilamo

1. Yiuano aputuka ku lihandeka ikeye vavenia na muje muatambuile eci cimona ca vunanguizi (1:1; 1:20)

2. Ahana muzimbu kuhuminina kuli Yesu nakuutuala ku vikungulukilo vitanu na vivali (1:1; 3:22)

3. Ambahoni alumbununa tusateso tutanu na tuvali (4:1; 8:5) na matolombita atanu na avali (8:6; 11:19)

4. Hanima yeci Yiuano alumbununa muana ua yala hakuluisa canza ngombe uje ali na mitue itanu na ivali (12:1; 14:20)

5. Kaha asoneka ha malonga atanu na avali a vutenu (15:1; 16:18)

6. Cakuhatako Yiuano alumbununa muje Njambi ahiana vitozi vendi muilu (17:1; 20:15)

7. Cakumanusuila alumbununa lilu lia liha na mavu a maha vije vikeja ku mamanusuilo (21:1; 22:21)