Filipu

Mukanda ua Paulu kuli vaka

FILIPU

Citsindikisi

Paulu uasonekelele ou mukanda kuli vaka kutsiliela va mu Filipi mu miaka makumi atanu na limo na muaka umo hanima ya kusemuka ca Yesu 61 Uausonekele oku tele acili mu kamenga 1:13 capuile mu Loma. Ou mukanda ua usonekelele ku cikungulukilo cije cakele mu nganda ya Filipi. Tuasa kulilongesaho viavindende ha via Filipi mu livulu lia Vilinga. Filipi yapuile nganda yakama mu Masendoniya. Kaha naua yapuile cikungulukilo cakulivanga cije civatungile mu Masendoniya. Paulu na Silasi vaputukile eci cikungulukilo hamolika kaha naua vavahakele na mu kamenga ha vutsiki vumo oku tele vacili kuje Vilinga 16.

Paulu hamo uakele na matumbe amengi mukusoneka ou mukanda. Ualikuasesele vintsimbu vimo mukutsantsela cikungulukilo ha vuana vuje vuvatumine omo vevuile nguavo ali mu kamenga 4:10-19 Kaha naua Uavalumbunuinine tumamesi yendi muje vati uakelelelemo mu kamenga kaha uahandekele viacili hali Timateo na Epafolonditusi ku cikungulukilo 2:19-30 linga vavatambule muacili nakusingimika vuntuama vuavo.

Muvana vitumbikilamo

1. Paulu aputuka mukanda mukuhinduisa cikungulukilo ca mu Filipi 1:1-2.

2. Cakuhatako Paulu ahandeka vimpande vimo via katumamesi kendi na visinganieka vije viakala navio 1:3—2:30

3. Ambahoni ahana vishika viavingi via katumamesi muje muvanapande kuyoyelamo vaka Kilistu 3:1—4:9

4. Paulu amanusula nakutsantsela vantu va mu cikungulukilo ca mu Filipi ha vuana vuavo kaha nakuvatuma vihindu 4:10-23