Mako

Muzimbu Uacili uasonekele

MAKO

Citsindikisi

Muzimbu Uacili uasonekele Mako uapua umo ua mikanda iuana mu Litavasano Lialiha ije ihandeka vuyoye vua Yesu Kilistu. Umo na umo ua mikanda eyi va utumbula nguavo “Muzimbu,” kulumbununa nguavo “Muzimbu Uacili.” Eyi mikanda va isonekele hanima ya kutsa ca Yesu kuli Mateu, na Mako, na Luka, na Yiuano. Muzimbu Uacili uasonekele Mako ukeuo uapua uauihi cikuma ku mikanda eyi iuana ya Mizimbu yacili. Kaha naua vacitsiliela ngeci ukeuo uakulivanga kukusoneka ku Mizimbu yoshe yacili mukati ka vintsimbu viakupua miaka makumi atanu na limo na miaka itanu (65) na mukati ka miaka makumi atanu na avali (70) hanima ya kusemuka ca Kilistu. Vaka kulilongesa vavengi vatsiliela ngeci ou mukanda va usonekelele mu nganda ya Loma hamulonga uakukolesa vaka Kilistu vamu Loma.

Mako uje ivatumbula naua nguavo Yiuano Mako, uapuile umo ua cizango kuli kanganda Paulu, na Mbanambase vuno honi katumamesi kendi kapuile kakapi omo uecelele vungenzi vuavo vuakutuala Muzimbu ua vuka Kilistu (Vilinga 13:13) Hakukotokela Mako naua uayile na Mbanambase (Vilinga 15:37-39) Mako naua vamuzivukile kupua kavusamba uakama cikuma ua Petulu (1 Petulu 5:13) Cipue vene Mako kavikundama cikuma via vukaleho vua vuyoye vua Yesu Kilistu, vaka kulilongesa vatsiliela ngeci Mako ikeye uasonekele cikuma via vukaleho vua Petulu eci cikeco cakama mu mukanda ua Muzimbu Uacili ua Mako. Mu Muzimbu Uacili ou, Mako ikeye atala cikuma ha vundongisi na ha vilongesa via Yesu via mamanusuilo a mavu.

Muvana vitumbikilamo

1. Mako aputuka kuhandeka ha livulu eli mu kapetulu (1: 1-13)

2. Ambahoni Mako ahandeka ha vipangi via Yesu tele ali mu Ngalileya mu kapetulu (1:14; 8:21)

3. Cakuhatako ahandeka via vungenzi vua Yesu vuakuya ku Yelusalema (8:22; 10:52)

4. Mako amanusula mukusoneka ha ntsimbu ije Yesu uakele mu Yelusalema, hamo na kutsa cendi na kusanguka cendi (11:1; 16:8)