Luka

Muzimbu Uacili uasonekele

LUKA

Citsindikisi

Muzimbu Uacili uasonekele Luka, uapua umo ua mikanda iuana ya mu Litavasano Lialiha uje uhandeka vuyoye vua Yesu Kilistu. Umo na umo ua mikanda eyi va utumbula nguavo “Muzimbu.” kulumbununa nguavo “Muzimbu Uacili.” Vaisonekele hanima ya kutsa ca Yesu kuli Mateu, Mako, Luka na Yiuano. Luka kasonekele lika vimpande via vuyoye vua Yesu, vuno honi uasonekele naua na vilinga vivalingile vandongisi va Yesu hanima ya kutsa na kusanguka cendi, uavisonekele mu mukanda ua Vilinga via Tunganda. Naumo uahi azivuka ntsimbu vene Muzimbu ua Luka vausonekele cipue ku vausonekelele, vuno honi vavengi vaka kulilongesa valivuasana nguavo hamo vausonekele mu muaka ua makumi atanu na avali hanima ya kusemuka ca Yesu. Mukanda ua Luka vausonekele kuli ikeye Luka uje naua uapuile cimbanda. Mucifua mua usonekelelemo nomu muanali kuaseselamo muyati cimonesa ngeci uapuile yala uakulilongesa cikuma. Luka uatondele kulumbununa muacili, kuhandeka vilinga omo mu vialingiuilemo, linga vakuavo vauaneneho vukuasi omo vautanda (Luka 1: 1-3) Uapuile Kayunda (Makolose 4: 10-14), kaha ua usonekele mu cifua cije nava keti Vayunda navo vovuisise. Eci calimuesa hakutoka too muana lumbunuinamo cisemua ca Vayunda (Luka 1: 8) Muzimbu ua Luka ualifu cikuma na mikanda ya Mateu na Mako, muomu ihandeka viuma vimo viakulifua. Ha mikanda itatu eyi, Luka ikeye lika nahandekaho cikuma ha kusemuka ca Yiuano muka kumbuitika. Luka nahandeka naua ha kukonekela (Kapetulu 3: 3, 11:4, 17: 3-4, 23:34, 24:47) na lilombelo (3: 21, 5:16, 6:12, 11:1-12, 22:32)

Muvana Vitumbikilamo

1. Mu kapetulu 1:1-4, Luka ahandeka ha Muzimbu uendi nakulumbununa vika vije ua usonekelele.

2. Ambahoni ahandeka ha kusemuka ca Yesu nomu muva muvuaheselele ha cipangi cendi (1:5; 4:13)

3. Kaha ha mutambela uakama uoshe ua Muzimbu Uacili (4:14; 21:38), Luka ahandeka ha vipangi vije Yesu ualingile, cikumani ha vikomoueso via lingile na viuma via longesele.

4. Mukumanesa, ha tupetulu vavali (22-24), ali nakuhandeka muje vati Yesu uatsile, namuje mutsindililemo, nomu muasangukile ku vatsi.