Yunda

Mukanda uakuhuminina kuli

YUNDA

Citsindikisi

Mukanda ua Yunda vautumbula Yunda muomu ikeye uausonekele. Yunda ahandeka nguendi ikeye munaina ua Yakomba, uje munaina ya Yesu. Kaha naua camoneka ngue napu umo ua munaina ya Yesu (cinimbu 1) Kutuazivukile indi ou mukanda vausonekelele ku cikungulukilo cimo kaha tumona nomu vanasonekelamo mu Litavasano Lialaja, vakakutanda vou mukanda ua Yunda vapande kupua Vayunda. Cipue ngoco, asonekela mukanda uendi “kuli voshe vanasana, vaje vazanga Njambi Tate na kuvatumbikila Yesu Kilistu” (cinimbu 1) Ou mukanda ca moneka ngue vausonekele hamiaka makumi atanu na likumi limo (60) hanima yakusemuka ca Yesu. Visinganieka viendi via sonekelele ou mukanda ku vaka Kilistu voshe atonda ngeci avanangule ku valongisi vamakuli vaje vatonda kuvazimbalesa (Yunda cinimbu 4) Ali na kusetekesa na vilinga via mu Litavasano Lialaja nankuma uahanene nzili ku vimpata viendi. Ou mukanda ulipangela na visinganieka viavingi na mukanda ua Petulu uamucivali kupandakana na kunangula ku valongisi va makuli (Yunda cinimbu 4, 2 Petulu 2:1) hamo na kusetekesa na tungelo na Sondoma na Ngomola.

Muvana vitumbikilamo

1. Cakulivanga Yunda ahandeka kuli vakakutanda vendi (cinimbu 1-2)

2. Cakuhatako, ali nakuvahana vika vije vianasonekela ou mukanda ha kuvanangula ku valongisi va makuli (cinimbu 3-4)

3. Hanima yevi avahana cimueso cakuhuma ku vantu na vintsimbu via mu Litavasano Lialaja (cinimbu 5-16)

4. Ambahoni avaleka muvanapandele kukumbuluilamo ku vinangulo (cinimbu 17-23)

5. Mukumanesa ashoka mukanda na kushangazala Njambi (cinimbu 24-25)