Vahevelu

Mukanda kuli

VAHEVELU

Citsindikisi

Mukanda ua Vahevelu uapua mukanda uakusimpisa uje umuesa vati muje Yesu uashulisisile vunanguizi vuavuingi vua mu Litavasano Lialaja. Va usonekele ngue vilongesa via kuambulula. Mu mukanda ou ua Vahevelu muli vimueso viakupua makumi atanu na limo (60) viamu Litavasano Lialaja vije vimuesa cilivene muje vati Yesu uashulisisile vunanguizi na vipangi via kasasendote uakama ua Vayunda. Muomu ya cuma eci ou mukanda uapuile ua kusimpisa vu Kilistu vua Vayunda. Mukanda ua Vahevelu umuesa vati muje Yesu uamanuisile Lishiko lia Mosesa linga vasasendote keti vakahaneho naua vinkombelo. Yesu ikeye uapuile nkombelo ya vipi vioshe ya lumo lika ku vintsimbu vioshe. Vu Kilistu vua ntsimbu ino, yetu navakevo tuasa kuuana kusimpa mu mukanda ou ua Vahevelu mukutualelaho kuniunga na kukavangeya Yesu Kilistu uje ikeye umo lika muka kutuasiuisa linga tutsiliele muli Njambi, na kutualelelaho naua kutsiliela muli ikeye 12:2.

Naumo uahi azivuka iya uasonekele Vahevelu, vuno honi vaka kulilongesa vanayongola nguavo hamo kanganda Paulu, cipue Luka, cipue Mbanambase. Na ntsimbu ije ivausonekele nayo naua naumo uahi ayizivuka, vuno honi vavengi vatsiliela ngeci vausonekele mu miaka makumi atanu na avali (70) hanima ya kusemuka ca Yesu. Yelusalema vaisiuile mu miaka makumi atanu na avali (70), vuno honi muka kusoneka ou mukanda ikeye ahandeka ngue Yelusalema tele kanda vaisiule. Mukanda ua Vahevelu vausonekelele mu nganda ya Loma (13:24) kaha cilivene uasele kushandokela mu vikungulukilo viavingi.

Muvana vitumbikilamo

1. Muka kusoneka amuesa ngeci Yesu ikeye nahiana tunanguizi na tungelo (1:1; 4:13)

2. Ambahoni uatualelelaho kumuesa ngeci Yesu ikeye nahiana vasasendote vaje vapanga mu njivo ya Njambi mu Yelusalema (4:14; 7:28)

3. Naua cipangi ca Yesu cinahiana litavasano lialaja lije Njambi ualingile kuhitila mu Lishiko lije liahanene kuli Mosesa (8:1; 10:31)

4. Hanima ya kulumbununa ngeci Yesu ikeye nahiana mu vingila vioshe, muka kusoneka ou mukanda ahana vishika via vilinga viavingi (10:32; 13:17)

5. Cakumanusuila muka kusoneka amanesa mukanda uendi mu kusimpisa na mukumeneka 13:18-25