Ngalata

Mukanda ua Paulu kuli vaka

NGALATA

Citsindikisi

Mukanda ua Ngalata vausonekele kuli kanganda Paulu (1:1) Ou ukeuo mukanda uje Paulu uasonekelele vikungulukilo viaku Ngalata ha miaka makumi auana na miaka itanu na itatu na mukati ka miaka makumi atanu na miaka itanu na ivali (48-57) hanima ya kusemuka ca Kilistu. Vantu vaku Ngalata vakele nakuyoya mu Loma mu mbonge ya Ngalata. Vaka kulilongesa kuvazivuka muacili kuje Paulu uakele omo uakele nakusoneka ou mukanda, vuno honi mu vinganda evi vivali via Efeso na Kolinte hamo mukemo muje mu cihela muakele.

Paulu uasonekele ou mukanda mukuleka vaka Kilistu hamo na Vayunda nakuli vaje keti Vayunda vaje vamu vikungulukilo via mu Ngalata. Uausonekelele cikuma mukutenukila ha vilongesa via makuli vije vihandeka nguavio vaka Kilistu vanapande kukavangeya mashiko a Vayunda kuhuminina mu litavasano lia laja, cikumani ha kulovoka. Kuakele civunga ca vantu hakati ka vaka Kilistu cije civatumbuile nguavo Yundaize cije catondele vaka Kilistu vaje keti Vayunda ngeci valovoke. Kaha naua vakevo vaje vakele na cihula ha vunganda vua Paulu vua nzili yakama. Paulu uemanenene vunganda vuendi mukuhandeka vimo via vimpande viendi (1:11; 2:14) Kaha uemanenene Muzimbu Uacili mukulumbununa nguendi kuovoka casa kukalako lika mukutsiliela muli Yesu Kilistu (2:16) Ovu vukevo vunapu vukaleho vua ngozi ya Njambi ije yakamuesa kaha keti vije vivakalingi vantu.

Muvana vitumbikilamo

1. Paulu aputuka mukanda uendi mukumeneka vikungulukilo viamu Ngalata 1:1-5

2. Ambahoni Paulu alumbununa vimo via vuyoye vuendi, mukuimanena kapandi kendi mu kulongesa na kumuesa ngeci neseka mukuyoya mu lishiko vuno honi lije kuliakele nakupanga 1:6; 2:21

3. Cakuhatako Paulu atualelelaho kulumbununa cikuma cipangi ca lishiko na kavumbi mukuovoka 3; 4

4. Ambahoni Paulu ahana vishika lika via vuyoye vua vukua Kilistu vuacili 5; 6:10

5. Cakumanusuila, Paulu amanusula mukanda uendi na cihindu na lilombelo liakumanusuila. Mukuvuluka ngeci Njambi namutengulula kupua muntu ua muha, cije cikeco cinapu caseho cikuma kumashiko ahambanza mashiko aje ngue a kulovoka 6:11-18