Efeso

Mukanda ua Paulu kuli vaka

EFESO

Citsindikisi

Mukanda kuli vaka Efeso vausonekele ha ntsimbu imo na mukanda ua vaka Kolose mu miaka makumi atanu nalimo (60) Hanima ya kusemuka ca Kilistu;

Muka kusoneka naliambulula vavenia kupua kanganda Paulu (1:1) Vaka kulilongesa cikuma ha cuma cimo vanatava nguavo Paulu ikeye uasonekele Efeso cipue ngoco ou mukanda kuuesi na cihindu ca vavenia cije ciuaniua mu livulu lia Kolose. Muafua hacifua eci camoneka ngue vausonekele linga uzenguluke mu vikungulukilo vimo vili Munganda. Paulu atumbula naua nguendi uakele mu kamenga omo uasonekele ou mukanda (3:1, 4:1, 6:20) Paulu uahanene mukanda kuli Tatikikase kuya nauo ha vungenzi vuendi kukamona cikungulukilo caku Efeso 6:21-22

Efeso yapuile Nganda yakama ya vaka Loma hakati ka vinganda via vindende viamu cihela ca Asiya. Efeso yevuikile cikuma muafua vatungile cihela cakama ca kulemesela Kamponia ua va Ngelengu ua mpuevo Atamisi Vilinga 19:23-31 Cikungulukilo ca Efeso caputukile vuino ha kutualelelaho ca hilukilile munima Kusolola 2:1-7.

Paulu ali nakulumbununa ha mbazuvuila ya kulivanga ya mukanda ou omo muje Njambi ua hanguile vantu vendi na kuvakonekela ku vupi vuavo kuhitila muli Yesu Kilistu. Ali nakusetekesa cikungulukilo ku muvila na Kilistu kupua ikeye mutue ua muvila na cisimi cakama ca mu mbango ya njivo. Mu mbazuvuila ya mucivali ya mukanda Paulu ahana mashiko mu vanapande kuyoyela mu vuka Kilistu.

Muvana vitumbikilamo

1. Mukapetulu 1-2 Paulu aliambulula vavenia na kumeneka va Efeso.

2. Kaha alumbununa vu sepa vua cikungulukilo na Kilistu 1:3; 3:21

3. Kaha Paulu ali nakusoneka ha ngila ivanapande kuyoyelamo vaka Kilistu 4:1; 6:20

4. Hakumanusula Paulu ahandeka amo mezi akushoka 6:21-24