Vilinga

VILINGA

via Tunganda

Citsindikisi

Livulu lia Vilinga liapua muzimbu uakuputukila ua cikungulukilo na muje muualishandokelele kuhuma ku Yelusalema kuheta naku Yundeya, naku Samaliya, na kueka naua ngue muje vene Yesu ualekele vandongisi vendi tele kanda aye muilu (Vilinga 1:8) Eli livulu valisonekele kuli Luka uje naua ikeye uasonekele Muzimbu Uacili ua Luka. Uapuile cimbanda kaha naua uahakeleko mana mukusoneka via vusunga. Uasonekele ou Muzimbu Uacili ua Luka na Livulu lia Vilinga vioshe kuli Telefilo uje uapuile Kangelengu, vuno honi mavulu aua ua asonekelele naua na kuli vaka Kilistu hamo lika na Vangelengu na Vayunda (1:1).

Eli livulu lia Vilinga valisonekele mukati ka miaka 60-64 AD muomu livulu eli liahuile tele kanda Paulu ahume mu kamenga. Luka naua uendele na kanganda Paulu kaha naua cilivene uasonekelele livulu lia Vilinga mu nganda ya Antioke. Livulu lia Vilinga liapua lia kutualelelaho ca Muzimbu Uacili ua Luka kaha liaputuka na vimpande via Yesu viakuya muilu. Vianehesele Luka linga asoneke eli livulu viapuile vimolika na vije viasonekele mu Muzimbu uendi Uacili ua Luka. Uatondele Telefilo hamo lika na vuingi vua vaka Kilistu linga vazivuke vije vivavalongesele kaha mukemo vene uasonekele vimpande via vusunga via vuyoye vua Yesu na muje vuka Kilistu vualishandokele.

Livulu lia Vilinga lituhana cimueso ca cikungulukilo ca kulivanga na muje vati mucafua mukuyoya na lutsilielo muli Yesu. Vimueso via tunganda vitumuesa muje vati tunapande kuyoyela lika mu nzili ya Cimbembesi Uakulela mukushandola Muzimbu Uacili ku vakuetu.

Muvana vitumbikilamo

1. Cakulivanga Cimbembesi Uakulela akeja hali vandongisi kaha na cikungulukilo ciputuka kukola 1:1; 8:1

2. Cakuhatako cikeco cikungulukilo vacipakesa kaha ciputuka kushandokela mu Yelusalema nakueka 8:2; 12:23

3. Hanima yevi Paulu honi aya vungenzi vuendi vuakulivanga vua kuambulula Muzimbu Uacili 12:24; 14:28

4. Ambahoni mpunga iliuana mu Yelusalema mukuyongola vika vije vitondeka kuli vakakutava vavaha 15:1-35

5. Cakuhatako Paulu aya ha vungenzi vuendi vuamucivali vua kuambulula Muzimbu Uacili 15:36; 18:22

6. Hanima yevi aya naua vungenzi vuendi vuamucitatu vua kuambulula Muzimbu Uacili 18:23; 20:38

7. Ambahoni Paulu vamukuta mu Yelusalema 21:26

8. Cakumanusuila Paulu vamutuala ku Loma 27:28