2 Tesalonika

Mukanda uamucivali ua Paulu kuli vaka

TESALONIKA

Citsindikisi

Mukanda uamucivali ua Tesalonika vausonekele kuli kanganda Paulu (1:1) Uasonekele ou mukanda hanima ya Tesalonika uakulivanga, kusetekesa ha miaka yakupua makumi atanu naumo (51) hanima ya kusemuka ca Kilistu. Paulu uakele mu Kolinte omo uasonekele ou mukanda ku cikungulukilo camu Tesalonika, cikungulukilo cije caputukile mu vungezi vuendi vua mu civali vuakutuala Muzimbu Uacili ua Njambi (Vilinga 17:1-10) Livulu lia Vilinga lihandeka ngualio, cikungulukilo vacipangelele Vayunda vamo na Vangelengu vavengi. Cikungulukilo camu Tesalonika cahakele mana cikuma ha vintsimbu via mamanusuilo na kuija ca Kilistu ca mucivali, muomu Paulu uasonekele viavingi mu mikanda yendi yoshe ku Tesalonika. Mbazuvuila ya mukanda ua Tesalonika ua mucivali ya kundama ku vintsimbu via mamanusuilo. Paulu naua uananguile hakuluisa vilenda. Muntu uoshe napande kupanga cikuma ha via kulia viendi 3:6-10

Muvana vitumbikilamo

1. Paulu uaputukile mu mukanda kulitumbula ikeye vavenia na vaje vanakele nakupanga navo 1:1-2

2. Kaha uatsantselele kuli Njambi ha cikungulukilo mu Tesalonika na kuvalombelela 1:3-12

3. Mu kapetulu ua mucivali, Paulu ahandeka ha vintsimbu via mamanusuilo.

4. Kaha ahandeka hakuluisa vulenda na seho yakupanga cikuma 3:1-15

5. Paulu naua amanesa nakumeneka cikungulukilo 3:16-18