2 Petulu

Mukanda uamucivali uasonekele

PETULU

Citsindikisi

Mukanda uamucivali ua Petulu vausonekele kuli kanganda Petulu, vuno honi vaka kulilongesa vavengi lelo kuvatavele nguavo capua ca vusunga. Hamo nguavo muntu ueka uasonekele mu cihela ca Petulu. Muka kusoneka ahandeka nguendi uapuile mukaleho ha vuyoye vua Yesu cikuma kumani ha kuhimpuka 1:17-18 Nga Petulu ikeye uasonekele ou mukanda kumoneka ngeci uausonekelele ku Loma hakati kamiaka makumi atanu na limo na miaka itanu na mukati ka miaka makumi atanu na limo na miaka itanu na iuana 65-69 hanima yakusemuka ca Yesu, ha ntsimbu ije tele Petulu kanda atse. Petulu naua atumbula ou mukanda uendi nguendi uamucivali 3:1 vahanguile ntsimbu yaku usoneka hanima yakusoneka mukanda ua Petulu uakulivanga. Ou mukanda vausonekelele kuli vaka Kilistu voshe.

Petulu uasonekele ou mukanda mukutukolesa vaka kutsiliela voshe linga vayoye vuyoye vuacili na kuvanangula linga keti vakavangeye vilongesa via makuli (2) Nakuvakolesa linga vasembulule vaje vantu vali nakuhandeka nguavo Yesu nasimbula kuija. Kaha uavalekele nguendi Njambi kekusimbula vuno honi atonda muntu uoshe linga vamuyoyese 2 Petulu 3:8-9 Omu mukemo munapande kuyoya vuyoye vuacili. 3:14

Muvana vitumbikilamo

1. Petulu alilumbununa ikeye vavenia hamo lika na vantuama vendi 1:1-2

2. Ambahoni Petulu avavulukisa kuyoya vuyoye vuacili muomu Njambi natutavesa 1:3-21

3. Cakuhatako Petulu anangula ha vilongesa via makuli nakuhandeka vije vikalingika kuli valongisi va makuli ku mamanusuilo 2:1-22

4. Hanima yevi Petulu amanesa mukukolesa vaka kutsiliela linga vayoye vuyoye vuacili muku livuahesela kuija ca Yesu camucivali 3:1-17