2 Yiuano

Mukanda uamucivali uasonekele

YIUANO

Citsindikisi

Mukanda ua Yiuano uamucivali va usonekele kuli kanganda Yiuano mukati ka miaka makumi atanu na cihita ca miaka (50-100) hanima ya kusemuka ca Kilistu. Yiuano kalimuesele ngue ikeye uasonekele ou mukanda, vuno honi alitumbula ikeye vavenia kupua mukuluntu. Sonekesi ya mukanda ua Yiuano uamucivali naua inalifu cikuma na sonekesi ije ili mu Muzimbu Uacili uje uasonekele Yiuano. Cikumani ngue muje muanahandeka ha lishiko lia Yesu lia kulizanga umo na mukuavo na mu ngila ije muanahandeka ha kuzanga Yesu mukukavangeya mashiko endi (Yiuano 1:5-6; Yiuano 15:9-10) Vacitsiliela ngeci Yiuano ikeye uasonekele Muzimbu Uacili ua Yiuano na mikanda itatu ya Yiuano uakulivanga, na Yiuano uamucivali na Yiuano uamucitatu oku tele ali mu Efeso.

Yiuano uasonekelele ou mukanda kuli mpuevo uje uakuhangula na vana vendi. Yiuano naua ua usonekelele ku cikungulukilo. Vutumbe vua Yiuano ha kusoneka ou mukanda vuapuile vua kusimpisa cikungulukilo na kuvanangula ku valongisi va makuli.

Muvana vitumbikilamo

1. Yiuano aputuka mukanda mukuhandeka kuje ku uya na kumeneka vaje vana usonekela 1:1-3

2. Ambahoni Yiuano asimpisa cikungulukilo na kuvavulukisa ha lishiko lije liakama cikuma 1:4-6

3. Cakuhatako, Yiuano avanangula ha valongisi va makuli 1:7-11

4. Yiuano amanusula mukanda uendi mukuhana vihindu vije vihuma kuli vaka kutsiliela vamu cikungulukilo muje muakala 1:12-13