2 Kolinte

Mukanda ua mucivali ua Paulu kuli vaka

KOLINTE

Citsindikisi

Mukanda ua Kolinte uamucivali vausonekele kuli kanganda Paulu ha miaka makumi atanu na miaka itanu na mukati ka miaka makumi atanu na miaka itanu na umo 55-56 hanima ya kusemuka ca Kilistu 1:1 Ou ukeuo mukanda uamucivali ku mikanda ivali ije ituli nayo ije Paulu uasonekelele ku cikungulukilo ca mu Kolinte. Vaka kulilongesa vatsiliela ngeci Paulu hanima uasonekele mukanda ua kutenuka kuli vaka Kolinte. Kutuesi na vimueso via mukanda ou uje uanamuesa mu 2:3-4 Kolinte uamucivali vausonekele tele Paulu ali mu Masendoniya 2:13.

Mukanda ua Kolinte uamucivali ukeo ualimanena muomu ukeo uapua mukanda uendi vavenia kaha uapua ua vusiua. Paulu amuesa nzolela yendi ha vimpande viacili vije viatambuile kuhuminina kuli Tito via cikungulukilo ca mu Kolinte. Mu mukanda ou mukemo tuuana vilongesa via kushula via kuhana viamu Litavasano Lialiha, ha mutambela uje Paulu ahana vishika via kutambula vimbongo vije vivanapande kutuala mukukuasa vaka kutsiliela vamu Yelusalema 8; 9 Cimuesa ngeci vamo tunganda vamakuli vaje keti vamu cikungulukilo vakele nakulikuasesa nzanzu ya vantu vamo vamu cikungulukilo mukuluisa Paulu ngeci valijundule vakevo vavenia. Vakele nakulikanouela ha nzili yakama ya Paulu, ije yalingisile ngeci akole ngoo mu nzili yendi yakama ya vunganda vua Yesu Kilistu hakumanusuila ca Kolinte uamucivali.

Muvana vitumbikilamo

1. Paulu aputuka mukanda uendi mukumeneka cikungulukilo 1:1-7

2. Cakuhatako Paulu ahandeka muje muatenguluilile viyongola via vungenzi vuendi na vimpande viavo vije viatambuile na cikumbululo cavo cije civakumbuluile ha mukanda uendi uakulivanga 1:8; 7:16

3. Hanima yevi, Paulu ahana vishika viaha kutambula vimbongo via vaka kutsiliela vamu Yelusalema 8:1; 9:15

4. Cakumanusuila, Paulu ahana kuluila ca vunganda vuendi na kuhana vinangulo via kumeneka cendi camucivali 10:1; 13:10