1 Timateo

Mukanda uakulivanga ua Paulu kuli

TIMATEO

Citsindikisi

Livulu lia kulivanga lia Timateo liapua mukanda ua kulivanga uakuhuma kuli kanganda Paulu kuli ndongisi uendi Timateo. Timateo uakulivanga vausonekele ha miaka ya kupua makumi atanu na umo na miaka ivali hanima ya kutsa ca Yesu (62-64) Eci casa kupua kuyehi na kuhua ca muono ua Paulu. Paulu uakele navusamba vuakukola na Timateo kaha vintsimbu viavingi uakele nakumutumbula nguendi muana (Fil 2:22, 1 Tim 1:2, 1:18) Ou ukeuo umo uamikanda iuana yakuhuma kuli Paulu ije yasonekelelele ku muntu keti ku cikungulukilo. Ikuavo itatu ku mikanda eyi ikeyo ya Timateo uamucivali, na Tito, na Filimoni. Timateo uakulivanga uakala na vishika viavingi muje vati vasa kulemeselamo mu cikungulukilo 2:1-15, muje vati vantuama va cikungulukilo muvanapande kukelamo 3:1-13, na vinangulo via valongisi va makuli 1:3-11; 4:1-5; 6:2-5 Eci cimuesa muje vati Paulu uakele na kulongesa Timateo kupua ntuama hakati ka vikungulukilo. Timateo uakulivanga ali na mashiko amengi aje asa kukuasa vantuama va cikungulukilo mu matangua ano etu muje vati muasa kukuatelamo cikungulukilo ceni.

Muvana vitumbikilamo

1. Paulu aputuka kumeneka Timateo 1:1-2

2. Kaha a nangula Timateo ku valongisi va makuli 1:3-11

3. Paulu atualelelaho kulumbununa kutsantsela cendi hali Yesu Kilistu 1:12-19

4. Cakuhataho ashika Timateo ha kulemesa na vantuama va cikungulukilo 2:3

5. Paulu amanusula mu mukanda uendi mukuhana Timateo mashiko akumanusuila 4:6