1 Petulu

Mukanda uakulivanga uasonekele

PETULU

Citsindikisi

Mukanda uakulivanga ua Petulu vausonekele kuli kanganda Petulu. Petulu uaputukile kusoneka mukanda uendi mukulihandeka ikeye vavenia na kuje kua usonekelele. Uasonekelele ou mukanda kuli vaka Kilistu voshe vaje vatumbuile nguendi, “Vangenzi” (1:1; 1:17; 2:11) Vintsimbu viavingi uakele nakutumbula vakakutanda vendi nguendi vangenzi muomu valishandokelele mu mafuti akuliseza seza. Mukanda ou mu vingila vimo ualifua na mukanda ua Paulu uje uasonekelele kuli vaka Efeso, vavengi vatsiliela ngeci mukanda ou ua Petulu uakulivanga vausonekele hanima ya mukanda ua Efeso mu muaka makumi atanu na limo na miaka itanu (65) hanima ya kusemuka ca Kilistu. Petulu uasonekele ou mukanda tele ali ku Loma kuje kuatumbuile nguendi Mbambilone 5:13.

Petulu ahandeka nguendi uasonekele ou mukanda ha vutumbe vua “kusimpisa na kuhana vukaleho ngeci aka kakeko kavumbi ka vusunga ka Njambi” 5:12 Muli viakulifua viavingi mukati ka Petulu uakulivanga 2:11; 3:7 namu Efeso 5:18; 6:9 namu Kolose 3:18; 4:6 Mitambela yoshe eyi itatu ihana vishika muje vati ntanga inapande kuyoyelamo na kuononoka vinzili viakama. Kaha naua asimpisa vaka Kilistu linga vakolese omo tuyando tuija muomu mamanusuilo ali muyehi 4:1

Muvana vitumbikilamo

1. Petulu alihandeka ikeye vavenia na vakakutanda vendi 1:1-2

2. Ambahoni atsantsela Njambi muomu ya kuovoka cije valipangela hamo na vije vicilumbununa mu miono yavo 1:3; 2:10

3. Cakuhatako Petulu ashika vaka kutsiliela vati muje vanapande kuyoya muacili ha mavu naku kuhandeka ha katumamesi kakuliseza seza ngue muje vati yala na mpueyendi muvanapande kukelamo, na muje vati ngamba napande kukelamo na muene uendi 2:11; 4:11

4. Hanima yevi Petulu avasimpisa linga vakolese omo tuyando tuija 4:12; 5:11

5. Ambahoni ashoka mukanda uendi 5:12-14