1 Kolinte

Mukanda uakulivanga ua Paulu kuli vaka

KOLINTE

Citsindikisi

Mukanda ua Kolinte uakulivanga vausonekele kuli kanganda Paulu hanima ya muaka makumi atanu na miaka itanu (55) hanima ya kusemuka ca Kilistu (1:1) Ou ukeuo mukanda uakulivanga ku mikanda ivali ije ituli nayo ije Paulu uasonekelele ku cikungulukilo ca mu Kolinte. Cilivene uasonekele ou mukanda tele ali mu Efeso tele kanda asinganieke via vungenzi vuendi vua kumenekela ku Kolinte mu ngila yendi tele ahuma ku Masendoniya 16:5-9.

Ou mukanda uapuile cikumbulula ca vimpande vije viatambuile Paulu vije viahuminine ku vaka kukunguluka vamo vamu cikungulukilo ha viuma vije keti viacili vije vivakele nakulinga mu cikungulukilo, hamo na mahangununo na via vupangala. Nganda ya Kolinte vaizivukile cikuma ku viavupangala vuayo, nankuma keti cakukomouesa ngeci cije cikungulukilo kuje cakele na kuhita mu viuma evi. Kolinte uakulivanga naua uakala na kapetulu ua kutsimana mu via cizango 13

Muvana utumbikilamo

1. Paulu ameneka vaka Kolinte na kutsantsela kuli Njambi muomu yavo 1:1-9

2. Ambahoni Paulu ahandeka ha vimpande vije viatambuile via mahangununo mu cikungulukilo ca Kolinte 1:10; 4:21

3. Cakuhatako Paulu ahandeka ha viuma via vupangala na kulituala umo na mukuavo ku nzango 5; 6

4. Hanima yevi Paulu ahana vishika ha vimpande via vulo, na kukombelela ku tumponia, na kulemesa mu vivunga, na mavuana aku cimbembesi na kusanguka ku vatsi 7-15

5. Cakumanusuila Paulu amanusula na vilinga na vimpande viendi vavenia 16